بەلارۋس ءبىرقاتار كورشىلەس ەلمەن شەكارانى جاپتى

None
None
مينسك. بەلتا - قازاقپارات - كورشىلەس مەملەكەتتەردە ەپيدەميولوگيالىق احۋالدىڭ كۇردەلەنۋىنە بايلانىستى بەلارۋس ەلى جەرۇستى ترانسپورتىمەن ءوز اۋماعىنا كىرۋدى ۋاقىتشا شەكتەدى.

بۇل تۋرالى بەلتا اگەنتتىگىنە مەملەكەتتىك شەكارا كوميتەتىنىڭ رەسمي وكىلى انتون بىچكوۆسكي ءمالىم ەتتى، دەپ حابارلايدى قازاقپارات.

وتكىزۋ پۋنكتەرى ارقىلى لاتۆيا، ليتۆا، پولشا جانە ۋكراينا ەلدەرىنەن ازاماتتاردىڭ جەكەلەگەن ساناتىنا كىرۋگە رۇقسات جوق.

بۇل تىيىمنىڭ ديپلوماتيالىق جانە قىزمەتتىك پاسپورتتارمەن قۇجاتتالعان ديپوكىلدىكتەر مەن كونسۋلدىق مەكەمەلەردىڭ قىزمەتكەرلەرىنە، اۆتوموبيلمەن حالىقارالىق تاسىمالدى جۇزەگە اسىراتىن كولىك جۇرگىزۋشىلەرىنە، حالىقارالىق تەمىرجول باعىتتارىنىڭ پويىز جانە لوكوموتيۆ بريگادالارىنا قاتىسى جوق.

ايتا كەتەيىك، مينسكىنىڭ ۇلتتىق اۋەجايىنداعى وتكىزۋ پۋنكتىندە اتالمىش شەكتەۋلەر ەنگىزىلمەگەن.

سوڭعى جاڭالىقتار