قازاقستان مەن رەسەي ترانسشەكارالىق وزەندەردى بىرلەسىپ پايدالانۋ جايىن تالقىلادى

نۇر-سۇلتان. قازاقپارات - قازاقستان مەن رەسەي ترانسشەكارالىق وزەندەردى بىرلەسىپ پايدالانۋ جونىندەگى جۇمىستى تالقىلادى، دەپ حابارلايدى قازاقپارات ەكولوگيا، گەولوگيا جانە تابيعي رەسۋرستار مينيسترلىگىنە سىلتەمە جاساپ.

حالىقتى جانە ەكونوميكا سالالارىن سۋمەن قامتۋ، لاستانۋىڭ الدىن الۋ، ترانسشەكارالىق وزەندەر سۋىنىڭ تاۋسىلۋى جانە تاعى باسقا ماسەلەلەر نوۆوسيبيرسك قالاسىندا وتكەن ترانسشەكارالىق سۋ وبەكتىلەرىن بىرلەسىپ پايدالانۋ جانە قورعاۋ جونىندەگى قازاقستان- رەسەي بىرلەسكەن كوميسسياسىنىڭ وتىرىسىندا تالقىلاندى. كەزدەسۋگە تاراپتاردىڭ تەڭ ءتوراعالارى ق ر رەسپۋبليكاسى ەكولوگيا، گەولوگيا جانە تابيعي رەسۋرستار ۆيتسە- ءمينيسترى ەرلان نىسانبايەۆ پەن رەسەي فەدەراتسياسى سۋ رەسۋرستارى اگەنتتىگى باسشىسىنىڭ ورىنباسارى ۆاديم نيكانوروۆ قاتىستى. سونىمەن قاتار جيىندا قازاقستان رەسپۋبليكاسى مەن رەسەي فەدەراتسياسىنىڭ مينيسترلىكتەرى، سۋ شارۋاشىلىعى مەكەمەلەر، گيدرومەتەورولوگيالىق قىزمەتى، جەرگىلىكتى اتقارۋشى ورگانداردىڭ جانە باسقا دا ۇيىمدارىنىڭ وكىلدەرى بولدى.

«جينالىستا ەكى ەل اراسىنداعى ترانسشەكارالىق وزەندەردىڭ بارلىق باسسەيندەرى بويىنشا جۇمىس توپتارى جەتەكشىلەرىنىڭ باياندامالارى تىڭدالدى. تاراپتار بيىلعى كوكتەمگى سۋ تاسقىنى تۋرالى، سۋ قويمالارىن تولتىرۋ جانە حالىق پەن ەكونوميكا سالالارىن سۋمەن قامتاماسىز ەتۋ جاعدايلارى، سۋ رەسۋرستارىنىڭ لاستانۋى مەن سارقىلۋىن بولدىرماۋ تۋرالى اقپارات الماستى. جايىق وزەنىنىڭ ەكولوگيالىق جاعدايى جانە گيدرولوگيالىق رەجيمىن جاقسارتۋ ماسەلەلەرىنە ەرەكشە نازار اۋدارىلدى. كەزدەسۋ قورىتىندىسىندا جايىق، ەرتىس جانە باسقا ءىرى وزەندەر باسسەيندەرىندەگى زەرتتەۋلەر جۇرگىزۋگە ىنتىماقتاستىقتى ارتتىرۋ ءۇشىن ءبىرىڭعاي جول كارتاسى بەكىتىتىلدى»، دەلىنگەن حابارلامادا.

ەسكە سالايىق، قازاقستان مەن رەسەي الەمدەگى ەڭ ۇزىن ورتاق قۇرلىقتاعى شەكارا ارقىلى عانا ەمەس، ەرتىس، ەسىل، توبىل، جايىق، قاراوزەن جانە سارىوزەن، قيعاش سەكىلدى ورتاق ترانسشەكارالىق وزەندەر ارقىلى دا بايلانىسادى. ەكى مەملەكەت اراسىنداعى سۋ قاتىناستارى قازاقستان ۇكىمەتى مەن رەسەي ۇكىمەتى اراسىنداعى 2010 -جىلعى 7-قىركۇيەكتەگى ترانسشەكارالىق سۋ وبەكتىلەرىن بىرلەسىپ پايدالانۋ جانە قورعاۋ تۋرالى كەلىسىم نەگىزىندە رەتتەلەدى. وسى كەلىسىمگە سايكەس ترانسشەكارالىق سۋ وبەكتىلەرىن بىرلەسىپ پايدالانۋ جانە قورعاۋ جونىندەگى قازاقستان- رەسەي بىرلەسكەن كوميسسياسى جانە ەرتىس، ەسىل، توبىل، جايىق، قاراوزەن جانە سارىوزەن، قيعاش وزەندەرىنىڭ باسسەيندەرى بويىنشا 6 جۇمىس توبى جۇمىس ىستەيدى.