پوليتسيا، اسىرەسە، وڭىرلەردە حالىقپەن اشىق ديالوگ جۇرگىزۋى كەرەك – پرەزيدەنت
«ىشكى ىستەر مينيسترلىگىنىڭ كەڭەيتىلگەن القا ماجىلىسىندە ءسوز سويلەدىم. قازىرگىدەي كۇردەلى كەزەڭدە پوليتسيا مەن كۇشتىك قۇرىلىمداردىڭ جاۋاپكەرشىلىگى ەداۋىر ارتادى. ۋچاسكەلىك پوليتسيا قىزمەتكەرلەرىنىڭ جۇمىسىنا ەرەكشە ءمان بەرىلەدى. ولارعا مەملەكەت جان- جاقتى كومەك كورسەتەدى. ءى ءى م- ءنىڭ الدىندا تۇرعان باستى مىندەت - ازاماتتارمەن ءوزارا قارىم- قاتىناستى قىزمەت كورسەتۋ مودەلىنە كوتەرۋ («پوليتسيا قادامدىق قولجەتىمجدىلىكتە» قاعيداتىن قۇرۋ)، قۇرىلىمدىق رەفورمالار، ءتيىمدى كادرلىق ساياسات، سيفرلىق تەحنولوگيالاردى ەنگىزۋ» دەپ اتاپ ءوتتى پرەزيدەنت ءوزىنىڭ Twitter پاراقشاسىندا.
مەملەكەت باسشىسىنىڭ ايتۋىنشا، پوليتسيا، اسىرەسە، وڭىرلەردە حالىقپەن اشىق ديالوگ جۇرگىزۋى كەرەك.
«ازاماتتاردىڭ قۇقىق قورعاۋ ورگاندارىنا سەنىمىن ارتتىرۋ- جۇرگىزىلىپ جاتقان رەفورمانىڭ باستى مىندەتى. ءىىم ازاماتتاردىڭ قاۋىپسىزدىگىن، ەلدەگى زاڭدىلىق پەن ءتارتىپتى قامتاماسىز ەتەتىن نەگىزگى ورگان بولعان جانە سولاي قالادى» دەيدى قاسىم- جومارت توقايەۆ.