جامبىلدا جەرگىلىكتى تۇرعىننان سيرەك كەزدەسەتىن سەكسەۋىل تاركىلەندى
«براكونەر» ءىس- شاراسى كەزىندە جامبىل وبلىسىنىڭ پوليتسيا دەپارتامەنتى قىزمەتكەرلەرى مويىنقۇم اۋدانىنىڭ 49 جاستاعى تۇرعىنى باسقارىپ كەلە جاتقان «ۋاز» ماركالى اۆتوكولىكتى توقتاتىپ، ودان كولىككە تيەلگەن قىزىل كىتاپقا ەنگىزىلگەن سەكسەۋىل اعاشىن تاركىلەدى.
«اتالعان دەرەككە قاتىستى قىلمىستىق كودەكستىڭ 339-بابى 1-بولىگى (وسىمدىكتەردىڭ نەمەسە جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن، سونداي- اق پايدالانۋعا تىيىم سالىنعان تۇرلەرىمەن، ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا سوتقا دەيىنگى تەرگەۋ باستالدى»، - دەلىنگەن ۆەدومستۆو حابارلاماسىندا. تاركىلەنگەن سەكسەۋىل پروتسەسسۋالدىق شەشىم قابىلدانعانعا دەيىن ساقتاۋ ءۇشىن مويىنقۇم اۋدانىنىڭ ورمان جانە جانۋارلار دۇنيەسىن قورعاۋ مەكەمەسىنىڭ قويماسىنا تاپسىرىلدى.