جۇرەككە پايدالى ازىق- تۇلىكتەر

نۇر-سۇلتان. قازاقپارات - سالاماتتى ءومىر سالتىنىڭ ماڭىزدى قاعيدالارىنىڭ ءبىرى - دۇرىس تاماقتانۋ. ۋاقىتىلى ءارى پايدالى تاماق ءىشۋ دەنساۋلىقتىڭ باستى كەپىلى.

ال سونىڭ ىشىندە جۇرەك جۇمىسىن قالىپتى دەڭگەيدە ۇستاۋ ءۇشىن قانداي ازىق- تۇلىك تۇتىنۋ كەرەك؟ Good House ۇسىنعان مىنا كەڭەسكە نازار اۋدارىڭىز.

شەمىشكە

100 گرامم كۇنباعىس شەمىشكەسىندە جۇرەك جۇمىسىن قالىپتى ۇستاۋعا قاجەت ماگنييدىڭ ءبىر كۇندىك نورماسىنىڭ %10 ى بار. وعان قوسا، شەمىشكە جۇرەك- قان تامىرلارى جۇيەسى ءۇشىن ماڭىزدى مىرىشقا باي. ال اسقاباق شەمىشكەسى حولەستەريننىڭ مولشەرىن ازايتۋعا قاۋقارلى.

كوفە

سيدنەي ۋنيۆەرسيتەتىنىڭ عالىمدارى كوفەنى تۇراقتى تۇتىناتىنداردىڭ جۇرەك ىرعاعى قالىپتى بولاتىنىن انىقتاعان. تەك ەش قوسپاسىز، ءسۇتسىز قارا كوفە ءىشۋ ماڭىزدى جانە كۇندىك نورمادان اسپاعان ءجون.

قىزاناق پاستاسى

ليكوپين - جۇرەكتىڭ قالىپتى جۇمىس ىستەۋى ءۇشىن ماڭىزدى. ونىڭ اعزاداعى مولشەرى ازايسا، جۇرەك- قان تامىرلارى اۋرۋى قوزۋى مۇمكىن. ءبىر ءشاي قاسىق قىزاناق پاستاسىندا ليكوپيننىڭ ءبىر كۇندىك نورماسى بار.

كارتوپ

ادەتتە ديەتولوگتار تاماق راتسيونىنان كارتوپتى الماۋعا كەڭەس بەرەدى. ويتكەنى بۋعا پىسكەن كارتوپتىڭ دەنساۋلىققا پايداسى ورازان زور. ونىڭ قۇرامىنداعى كالي قان قىسىمىن دۇرىستاپ، B6 دارۋمەنى قىزىل قان دەنەشىگىن تۇزۋگە كومەكتەسەدى.

بانان

كۇنىنە كىشكەنە عانا بانان جەسەڭىز اعزاداعى كالي مەن ناتريدىڭ قاجەت دەڭگەيىن ساقتاپ وتىرۋعا بولادى. ول بارلىق بۇلشىقەتتىڭ دۇرىس جۇمىس ىستەۋىنە ىقپال ەتەدى.

يوگۋرت

بار بولعانى ەكى يوگۋرتتى كۇندەلىكتى تاماق راتسيونىڭىزعا قوسۋ ارقىلى ينفاركت پەن ءينسۋلتتىڭ بولۋ قاۋىپىن %30 تۇسىرۋگە بولادى. تەك يوگۋرت قانتسىز جانە مايى الىنعان بولۋى كەرەك.

جۇرەك جۇمىسى قالىپتى بولۋى ءۇشىن اعزاداعى مىنا ەلەمەنتتەردىڭ مولشەرى ماڭىزدى:

يود - بۇل حيميالىق ەلەمەنت زات الماسۋ پروتسەسىنە اسەر ەتەدى. ول كالمار، تەڭىز بالىعى، بالدىرلار مەن اسشاياندار سىندى تەڭىز ونىمدەرىندە كوپ.

كالي - دەنەدەگى ارتىق سۇيىقتىقتى جويىپ، جۇرەك بۇلشىقەتىنىڭ قىزمەتىن جاقسارتادى. ءىنجىر، قارا ورىك، اسقاباق، قىرىققابات، كارتوپ، قىزىل جانە قارا قاراقات، سونداي- اق يتمۇرىننىڭ قۇرامى كاليگە باي.

ماگني - نەسەپ ايداعىش جانە تىنىشتاندىرعىش قاسيەتتەرى بار حيميالىق ەلەمەنت. بۇل ەلەمەنت قان تامىرلارى قابىرعالارىنا قاتقان قاندى كەتىرەدى. اعزاداعى ماگني جەتكىلىكتى مولشەردە بولۋى ءۇشىن راتسيوندا مىناداي تاعامدار بولۋى كەرەك: سۇلى، بيداي، قاراقۇمىق، قىزىلشا، بۇرشاق، جاڭعاقتار جانە ءسابىز. ماگنيگە ءتاتتى بادام، بانان، كەبەك جانە سويا ۇنى باي.

massaget.kz