+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

مەملەكەتتىك حاتشى قوعامدىق سانانى جاڭعىرتۋ باعدارلاماسى جونىندەگى كوميسسيانىڭ وتىرىسىن وتكىزدى

29 قازان 18:23
:ءبولىسۋ
مەملەكەتتىك حاتشى قوعامدىق سانانى جاڭعىرتۋ باعدارلاماسى جونىندەگى كوميسسيانىڭ وتىرىسىن وتكىزدى

نۇر- سۇلتان. قازاقپارات - اقوردادا ق ر مەملەكەتتىك حاتشىسى قىرىمبەك كوشەربايەۆتىڭ توراعالىعىمەن قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ وتىرىسى ونلاين فورماتتا وتكىزىلدى، دەپ حابارلايدى قازاقپارات.

وتىرىستا باعدارلامانى 2020 -جىلى ىسكە اسىرۋ ناتيجەلەرى جانە الداعى جۇمىستىڭ جاڭا باسىم باعىتتارى قاراستىرىلدى. كەڭەس بارىسىندا ق ر اقپارات جانە قوعامدىق دامۋ ءمينيسترى ا. بالايەۆا، ق ر ءبىلىم جانە عىلىم ءمينيسترى ا. ايماعامبەتوۆ، ق ر مادەنيەت جانە سپورت ءمينيسترى ا. رايىمقۇلوۆا اتقارىلعان جۇمىس جونىندە باياندادى.

ءىس- شارا بارىسىندا جاستاردىڭ «رۋحاني جاڭعىرۋ» باعدارلاماسىن ودان ءارى دامىتۋعا بايلانىستى جاڭا باستامالارى تۋرالى ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى ع. مۇتانوۆ پەن ق ر پرەزيدەنتى جانىنداعى ۇلتتىق قوعامدىق سەنىم كەڭەسىنىڭ مۇشەسى، ساياساتتانۋشى ە. سايروۆتىڭ ۇسىنىستارى دا تالقىلاندى. «رۋحاني جاڭعىرۋ» باعدارلاماسىن ىسكە اسىرۋ جونىندەگى 2020 -جىلعا ارنالعان ءىس- شارالار جوسپارىنىڭ ورىندالۋى تالقىلاندى.

الەمدىك پاندەميا مەن ەكونوميكالىق داعدارىس كوپتەگەن شارالار مەن جوبالاردىڭ جۇزەگە اسۋىنا شەك قويدى، كەدەرگى بولدى، باسىم كوپشىلىگىن الداعى كۇندەرگە جىلجىتۋعا تۋرا كەلدى. كەيبىر شارالاردىڭ كونتسەپتسياسى قايتا قارالدى. باعدارلاما اياسىندا ەلىمىزدىڭ رۋحانياتى مەن تاريحىن، ادەبيەتى مەن مادەنيەتىن، ءبىلىمى مەن عىلىمىن تەرەڭدەتۋ، تانىتۋ، زەرتتەۋ باعىتتارى بويىنشا جۇمىستار كەڭىنەن جالعاسۋدا.

كوميسسيا وتىرىسىندا مەملەكەتتىك حاتشى قىرىمبەك كوشەربايەۆ «تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆ «جاڭعىرۋ ەلدىڭ ۇلتتىق- رۋحاني تامىرىنان ءنار الا الماسا، ول اداسۋعا باستايدى. رۋحاني جاڭعىرۋ ۇلتتىق سانانىڭ ءتۇرلى پوليۋستەرىن قيىننان قيىستىرىپ، جاراستىرا الاتىن قۇدىرەتىمەن ماڭىزدى» دەپ اتاپ وتسە، مەملەكەت باسشىسى قاسىم- جومارت كەمەل ۇلى توقايەۆ تاياۋدا حالىققا جولداۋىندا: «قازىرگى مىندەت - حالقىمىزدىڭ جاڭا بولمىسىن قالىپتاستىرۋ، تۇتاس ۇلت ساپاسىن ارتتىرۋ. قازاق قوعامىندا جاڭا قاعيداتتار جانە جاڭا باعدارلار سالتانات قۇرۋعا ءتيىس» ەكەنىن ايرىقشا ايتتى.

ياعني، ۇلتتىق سانانى جاڭعىرتۋداعى وسى ساياسي ساباقتاستىقتى نەگىزگە الا وتىرىپ، ءبىز رۋحاني جاڭعىرۋدىڭ ۇلتتىق جاڭعىرۋعا ۇلاسۋىنا بارىنشا كۇش- جىگەرىمىزدى سالىپ، ۇلتىمىزدى جاڭا ساپالىق دەڭگەيگە كوتەرۋگە قىزمەت ەتۋىمىز كەرەك» دەپ اتاپ ءوتتى. وسىعان وراي، كوميسسيادا «رۋحاني جاڭعىرۋ» باعدارلاماسىن ودان ءارى تەرەڭدەتىپ ۇلتتىق جاڭعىرۋ كەزەڭىنە وتكىزۋدىڭ ارنايى جول كارتاسىن جاساۋ قاجەت دەپ شەشىم قابىلداندى. بۇل قۇجات اسا ماڭىزدى ۇلتتىق جوبا رەتىندە جۇرگىزىلەدى. ۇلتتىق جاڭعىرۋ جوباسىنىڭ ەڭ باستى ءمانى - ۇلتتىڭ باسەكەگە قابىلەتتىلىگىن ارتتىرۋ. بۇل - ۇلتتىق جاڭعىرۋدىڭ ستراتەگيالىق ماقساتى بولىپ قالادى.

جول كارتاسىندا مەملەكەتتىك ءتىل مارتەبەسىن ارتتىرۋ، ءبىلىم جانە عىلىمدى دامىتۋ، جوعارى ۇلتتىق جانە جالپىادامزاتتىق قۇندىلىقتار نەگىزىندە رۋحاني- ادامگەرشىلىك جانە پاتريوتتىق تاربيە بەرۋ، ەڭبەك ادامىن قالىپتاستىرۋ، اۋىلدى تۇلەتۋ سياقتى ت. ب كەشەندى ءىس- شارالار قامتىلادى. مەملەكەتتىك حاتشى وتىرىستى قورىتىندىلاي كەلە، «رۋحاني جاڭعىرۋ» باعدارلاماسىنىڭ باسىم باعىتتارى بويىنشا جۇمىستى ودان ءارى جانداندىرۋ بويىنشا ناقتى تاپسىرمالار بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات