سەناتورلار سوتتالعانداردى جۇمىسپەن قامتۋ ماسەلەسىن شەشۋدى سۇرادى
الايدا، باس بوستاندىعىنان ايىرۋ ورىندارىندا ولاردىڭ تەك 30 پايىزعا عانا جۇمىس ىستەۋ مۇمكىندىگىنە يە، دەپ حابارلايدى قازاقپارات.
وسى ورايدا بۇگىن سەناتتىڭ جالپى وتىرىسىندا دەپۋتات ۆلاديمير ۆولكوۆ باستاعان ءبىر توپ سەناتوردىڭ دەپۋتاتتىق ساۋالىندا بۇل ماسەلە كوتەرىلدى. مەملەكەتتىك ساتىپ الۋ پورتالى 2019 -جىلدان باستاپ سوتتالعانداردى جۇمىسپەن قامتاماسىز ەتەتىن كاسىپورىندارمەن، ونىڭ ىشىندە قىلمىستىق- اتقارۋ جۇيەسىنىڭ مەكەمەلەرىمەن ءبىر جەردەن تاپسىرىس بەرۋشىمەن تىكەلەي شارت جاساسۋعا مۇمكىندىك بەرمەيدى.
«وندىرىستىك ەسكىرگەن ينفراقۇرىلىم، ونىڭ ىشىندە قازىرگى زامانعى وندىرىستىك قۋاتتاردىڭ بولماۋى، كۇردەلى قارجى سالۋدىڭ قاجەتتىگى، سونداي- اق تارتىپپەن جۇمىس ىستەيتىن وبەكتىلەردىڭ جاعدايلارى كولونيالارداعى بيزنەستى دامىتۋعا كاسىپكەرلەردى تارتپايدى. سوتتالعانداردى جۇمىسپەن قامتۋ ەڭبەك داعدىلارىن دامىتۋمەن قاتار، ولارعا تالاپ- ارىزداردى وتەۋ جانە جابىرلەنۋشىلەرگە كەلتىرگەن زياندى تولەۋگە قارجى تابۋعا، سونداي- اق ءوز وتباسىلارىنا قارجىلىق كومەك كورسەتۋگە مۇمكىندىك بەرەدى»، - دەدى ۆلاديمير ۆولكوۆ.
دەپۋتاتتار باس بوستاندىعىنان ايىرۋ تۇرىندەگى جازانى ءتيىمدى ورىنداۋ جانە ولارمەن جەكە جۇمىستى ۇيىمداستىرۋ ءۇشىن قاماۋداعىلاردى كامەرادا ۇستاۋ قاجەت ەكەنىن اتاپ ءوتتى. جۇمىس ىستەپ تۇرعان 66 تۇزەۋ مەكەمەسىنىڭ تەك 9-ىندا عانا كامەرادا ۇستاۋعا جاعدايى بار ەكەن.
«حالىقارالىق ستاندارتتاردىڭ باستى تالابى - وتريادتىق ۇستاۋدان كامەرالىق جاعدايعا كوشۋ. تۇزەتۋ كولونيالارىنىڭ كوپشىلىگى وتكەن عاسىرداعى كەڭەستىك قۇرىلىستىڭ مۇراسى بولىپ تابىلادى، ونداعى جاتاقحانا باراعى ۇلگىسىندەگى ءبىر بولمەدە 100-120 ادام تۇرادى. عيماراتتار مەن قۇرىلىستاردىڭ جاي- كۇيىن ەسكەرە وتىرىپ، 42 تۇزەۋ مەكەمەسى قايتا جاڭارتۋدى تالاپ ەتەدى»، - دەدى سەنات دەپۋتاتى.
سەناتورلار بۇل مەكەمەلەردە، ونىڭ ىشىندە لاۋازىمدى تۇلعالار تاراپىنان جاسالعان ءتارتىپ بۇزۋشىلىقتار مەن قىلمىستاردىڭ الدىن الۋ جانە الدىن الۋ ءۇشىن بەينەباقىلاۋ ەنگىزۋ قاجەت ەكەنىن اتاپ ءوتتى. بۇل مەكەمەلەردىڭ 30 پايىزى عانا بەينەباقىلاۋ جۇيەسىمەن قامتاماسىز ەتىلگەن.
سونىمەن قاتار، سەنات دەپۋتاتتارىنىڭ پىكىرىنشە، سوتتالعانداردى مەديتسينالىق قامتاماسىز ەتۋ پروبلەمالارىنا دا ەرەكشە نازار اۋدارۋ كەرەك. قىلمىستىق- اتقارۋ جۇيەسىن مەديتسينالىق قامتاماسىز ەتۋ جۇيەسى رەسۋرستار، قىزمەت كورسەتۋ ساپاسى جانە ونىڭ جابىق بولۋىنا بايلانىستى باقىلاۋ تۇرعىسىندا ازاماتتىق سەكتورمەن تەڭ ەمەس جاعدايدا تۇر.
مەديتسينالىق قىزمەتتەرمەن تولىق قامتاماسىز ەتىلمەۋى، ارناۋلى مامانداردىڭ بولماۋى، شۇعىل ەمدەۋگە جاتقىزۋ پروبلەمالارى، ەسكىرگەن مەديتسينالىق جابدىقتار باس بوستاندىعىنان ايىرۋ ورىندارىنداعى دارىگەرلىك قىزمەتتەردىڭ ساپاسى تومەن بولۋىنا الىپ كەلەدى.
اۆتور: رۋسلان عابباسوۆ