+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

ءتارتىپ ساقشىلارى ازاماتتارعا ۇلگى بولۋعا ءتيىس – پرەزيدەنت

29 قازان 16:41
:ءبولىسۋ
ءتارتىپ ساقشىلارى ازاماتتارعا ۇلگى بولۋعا ءتيىس – پرەزيدەنت

نۇر- سۇلتان. قازاقپارات - پوليتسيادا دورەكىلىك پەن بىلىكسىزدىككە جول بەرىلمەۋى كەرەك. بۇل تۋرالى بۇگىن ق ر ىشكى ىستەر مينيسترلىگىنىڭ كەڭەيتىلگەن القا ماجىلىسىندە مەملەكەت باسشىسى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.

مەملەكەت باسشىسى القا ماجىلىسىندە كادر ساياساتىنا باسا ءمان بەردى. پوليتسيا قىزمەتىن جاڭعىرتۋ جونىندەگى جول كارتاسى اياسىندا ۆەدومستۆولىق وقىتۋ مەكەمەلەرى قايتا ۇيىمداستىرىلىپ، قىزمەتكەرلەردى ىرىكتەۋ جۇمىسى جەتىلدىرىلگەنىن اتاپ ءوتتى.

«پوليتسيادا دورەكىلىك پەن بىلىكسىزدىككە جول بەرىلمەۋى كەرەك. مۇندا جوعارى دايىندىقپەن كەلگەن جانە ءوز ىسىنە شىنايى بەرىلگەن ماماندار جۇمىس ىستەۋى قاجەت. مەملەكەت پەن قوعام وڭتايلى وزگەرىستەردى كۇتىپ وتىر. ءتارتىپ ساقشىلارى ازاماتتارعا ۇلگى بولۋعا ءتيىس»، - دەدى قاسىم- جومارت توقايەۆ.

پرەزيدەنت پوليتسيا قىزمەتىن سيفرلاندىرۋ، زاڭسىز ەسىرتكى اينالىمىمەن كۇرەستى كۇشەيتۋ، تۇزەتۋ جۇيەسىنىڭ جاعدايىن جاقسارتۋ كەرەك ەكەنىن مالىمدەدى.

«ەلدەگى كۇردەلى الەۋمەتتىك- ەكونوميكالىق جاعدايدا قىلمىستىڭ ورشۋىنە جانە تۇرمە «ءتارتىبىنىڭ» تارالۋىنا مۇلدە جول بەرۋگە بولمايدى. ونداعى جاعدايدىڭ اسا ءماز ەمەس ەكەنى ءمالىم. باس بوستاندىعىنان ايىرماي جازالاۋعا قاتىستى تۇيتكىلدەر بار. مينيسترلىك قىلمىستىق- اتقارۋ جۇيەسىندەگى ماسەلەلەردى شەشۋ بويىنشا ناتيجەلى جۇمىستار كورسەتۋى كەرەك»، - دەدى مەملەكەت باسشىسى.

ايتا كەتەيىك، شاراعا ءى ءى م قىزمەتى مەن پوليتسيانىڭ اۋماقتىق دەپارتامەنتتەرىنىڭ باسشىلارى جانە ەلىمىزدىڭ بارلىق ايماقتارىنىڭ ۋچاسكەلىك ينسپەكتورلارى قاتىستى. مەملەكەت باسشىسى جيىنعا دەيىن ىشكى ىستەر ورگاندارىنا قاراستى ارنايى تەحنيكالاردى قاراپ شىعىپ، نۇر- سۇلتان قالاسى پوليتسيا دەپارتامەنتى جەدەل باسقارۋ ورتالىعىنىڭ قىزمەتىمەن تانىستى.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات