+7 (701) 759 90 19
-7 °С : نۇر-سۇلتان
-10 °С : الماتى
USD 425.59 EUR 505.43
RUB 5.61 CNY 64.83
جاڭالىقتار

قازاقستاننىڭ ءبىر وبلىسىندا بلوكبەكەت ورناتىلادى

29 قازان 15:25
:ءبولىسۋ
قازاقستاننىڭ ءبىر وبلىسىندا بلوكبەكەت ورناتىلادى

سەمەي. قازاقپارات - شىعىس قازاقستان وبلىسىنا كىرەبەرىستە بلوكبەكەتتەر ورناتىلادى.

بۇل تۋرالى ش ق و تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ م. ا. تالعات تۇڭعىشبايەۆ مالىمدەدى.

بلوكبەكەتتەر 1-قاراشادا ورناتىلاتىنى حابارلاندى.

«قۇرمەتتى شىعىس قازاقستان تۇرعىندارى، وزدەرىڭىز بىلەتىندەي، ءبىر تاۋلىك ىشىندە ءوڭىر بويىنشا كوروناۆيرۋس ينفەكسياسىن جۇقتىرۋدىڭ 139 جاعدايى تىركەلدى. 100 مىڭ تۇرعىنعا شاققانداعى كورسەتكىش جالپى رەسپۋبليكالىق دەڭگەيدەن اسىپ، 683,6 بولىپ وتىر.

وبلىستاعى ەپيدەميولوگيالىق جاعدايدىڭ ناشارلاۋىنىڭ نەگىزگى سەبەپتەرى - تۇرعىندار مەن كاسىپكەرلىك سۋبەكتىلەرىنىڭ ەپيدەمياعا قارسى شەكتەۋ ءىس-شارالارىن ساقتاماۋى، سونداي-اق شەكتەس مەملەكەتتەرمەن جالعاساتىن جولاۋشىلار مەن جۇك اعىندارى بولىپ وتىر.

وسىعان بايلانىستى ق ر ۇكىمەتىنىڭ كەلىسىمى بويىنشا 2020 -جىلعى 1-قاراشادان باستاپ ش ق و-نىڭ سىرتقى شەكارالارىندا بلوكبەكەتتەردى ەنگىزە وتىرىپ، شارۋاشىلىق جانە وزگە دە قىزمەت پەن حالىقتىڭ ءومىرىنىڭ جاعدايلارىنا شەكتەۋ شارالارى ەنگىزىلەدى.

قالىپتاسقان ەپيدەميولوگيالىق احۋالدا ءوڭىر باسشىلىعى وسكەمەن قالاسى مەن وبلىس حالقىنىڭ قالىپتى تىنىس- تىرشىلىگىن قامتاماسىز ەتۋ بويىنشا بارلىق قاجەتتى شارالاردى قابىلدايتىن بولادى. كاسىپورىندار، ازىق-تۇلىك دۇكەندەرى، ءدارىحانالار، بانكتەر، ح ق ك و- لار جۇمىس ىستەيدى. ءبىز بيزنەستى ەنگىزىلگەن كارانتيندىك شارالاردىڭ سالدارىنان بارىنشا قورعاۋعا تىرىسامىز»، - دەلىنگەن حابارلامادا.

جاڭا قاۋلى جاقىن ارادا جاريالانادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات