رەسەيدە جارقاناتتان كوروناۆيرۋس انىقتالدى
ءبىراق ۆيرۋستىڭ قاي ءتۇرى ەكەنىن ايتۋعا ءالى ەرتە، - دەپ حابارلايدى ريا نوۆوستي.
تامىزدىڭ سوڭىندا تۇتىنۋشىلاردىڭ قۇقىعىن قورعاۋدى قاداعالاۋ قىزمەتى رەسەيدىڭ ءار ايماعىن مەكەندەيتىن جارقاناتتاردان كوروناۆيرۋس انىقتاۋ ءۇشىن زەرتتەۋ جۇمىستارىن باستاعان. جوبا ۆيرۋستىڭ تارالۋ جولى مەن ەپيدەميولوگيالىق ءقاۋپىن انىقتاۋعا كومەكتەسۋ كەرەك.
«رەسەيدە مەكەندەيتىن جارقاناتتاردا كوروناۆيرۋس (قانداي ەكەنى ازىرگە بەلگىسىز) بار. قانداي ەكەنى زەرتتەلەدى. زەرتتەۋ بارىسىندا باسقا دا ۆيرۋستار (كوروناۆيرۋس ەمەس) تىزبەگىنىڭ گەنومدىق بىرىزدىلىگى انىقتالدى»، - دەدى تۇتىنۋشىلاردىڭ قۇقىعىن قورعاۋدى قاداعالاۋ قىزمەتى ورتالىق زەرتتەۋ- عىلىمي ورتالىعىنىڭ گەنوميكا جانە پوستگەنوميكالىق زەرتتەۋلەر توبىنىڭ جەتەكشىسى اننا سپەرانسكايا.
مامان ۆيرۋستى ادامعا جۇقتىرۋ ءقاۋپى جاعىنان تۇلكى، كىرپى سەكىلدى جابايى جانۋارلارعا قاراعاندا جارقاناتتار اسا ءقاۋىپتى ەمەس ەكەنىن اتاپ ءوتتى. تەك ادام وزىنە جۇقتىرماۋى ءۇشىن جارقاناتتى جانە ول جۇرگەن جەردى ۇستاماۋى كەرەك ەكەن.
جارقاناتتاردى زەرتتەۋ ءالى ەكى جىلعا سوزىلادى دەيدى.
ەسكە سالايىق، 2019 -جىلدىڭ سوڭىندا قىتايدىڭ ۋحان قالاسىندا COVID-19 ۆيرۋسى انىقتالعان بولاتىن. ونى جارقاناتتار تاراتتى دەگەن اقپارات تا تاراعان ەدى.