+7 (701) 759 90 19
-18 °С : نۇر-سۇلتان
-5 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

كوروناۆيرۋسپەن اۋىرعان ادامدا وزگە دە ۆيرۋستاردىڭ بەلسەندىلىگى ارتقان

29 قازان 13:25
:ءبولىسۋ
كوروناۆيرۋسپەن اۋىرعان ادامدا وزگە دە ۆيرۋستاردىڭ بەلسەندىلىگى ارتقان

نۇر-سۇلتان. قازاقپارات - كوروناۆيرۋسپەن اۋىرعان ادامداردىڭ جۇيكە جۇيەسى سىر بەرە باستاعان. ونىڭ ۇستىنە ناۋقاستاردىڭ 80 پايىزىندا د دارۋمەنى جەتىسپەيدى، دەپ حابارلايدى «Qazaqstan» ۇلتتىق تەلەارناسى.

ماماندار جۇرگىزگەن تالداۋ ناتيجەسىندە اعزاداعى وزگە دە ۆيرۋستاردىڭ بەلسەندىلىگى ارتقان. اسىرەسە، ۇيقى بەزى، قان قىسىمى، بۇيرەك، اسقازان اۋرۋلارى سياقتى ناۋقاستا بۇرىن- سوڭدى بولماعان اسقىنۋلار بايقالدى. بۇل نەبارى 50 ادامعا جۇرگىزىلگەن تالداۋدىڭ باستاپقى ناتيجەسى. وسى پوستكوۆيدتىك سيندرومدى زەرتتەۋ جوباسىن جۋىردا ۇلتتىق كارديوحيرۋرگيا ورتالىعىنىڭ ماماندارى قولعا العان ەدى. پوستكوۆيدتىك جوبا ارقىلى دياگنوستيكادان ءوتىپ جۇرگەندەردىڭ ءبىرى ايناگۇل ءجۇسىپوۆا. كوروناۆيرۋستى 4 اي بۇرىن جۇقتىرعان. سالدارىن ءالى كورىپ ءجۇر. ۆيرۋستان كەيىن باسقا اۋرۋ تۇرلەرى اسقىنىپ كەتكەن. بۇرىن مۇلدە بولماعان قان قىسىمى ءجيى كوتەرىلىپ، جۇيكەسى سىر بەرىپ، ۇيقىسىزدىق مازالايدى.

«كوروناۆيرۋستان كەيىن اسقازانىم اۋىردى. اسقازانىمنان كەيىن داۆلەنيام كوتەرىلدى. كەيىن قورقىنىش سترەسس پايدا بولدى. قازىر مەنى مازالايتىن ۇيقىسىزدىق. قوبالجۋ. ەندى سول اۋرۋلار بويىنشا ەم قابىلداپ جاتىرمىن»، - دەيدى قالا تۇرعىنى ايناگۇل ءجۇسىپوۆا.

جوباعا قاتىسۋعا 50 گە جۋىق ادام نيەت بىلدىرگەن. تەكسەرۋدىڭ العاشقى كەزەڭىنىڭ ناتيجەسىنە سايكەس، دەنەدە گەرپەس، تسيتومەگالوۆيرۋس، ەپشتەين بارر ۆيرۋستارىنىڭ بەلسەندىلىگى ارتقانى انىقتالدى. بۇل - قان قۇرىلىمى مەن ىشكى ورگانداردى زاقىمدايتىن زياندى ۆيرۋستار. سالدارىنان ارتەريالدى گيپەرتەنزيا، بۇيرەك، اسقازان- ىشەك جولدارىنىڭ اۋرۋى، ۇيقى بەزى، سوزىلمالى اۋرۋلار اسقىنعان. اسىرەسە، جۇيكە جۇيەسى اۋرۋلارىنا شاعىم كوپ.

«كوروناۆيرۋستەن قورقۋ، جاعىمسىز جاڭالىقتاردى جاقىن قابىلداۋ، ءولىپ قالام با دەگەن ۋايىم. مۇنىڭ ءبارى ميعا جينالىپ، كوپ ادامداردا جۇيكە اۋرۋلارى پايدا بولعان. ۇيقىسىزدىق، شارشاۋ، سترەسكە بەرىلۋدىڭ سالدارىنان اعزادا وزگە اۋرۋلاردىڭ اسقىنۋى بايقالىپ جاتىر»، - دەيدى ۇلتتىق عىلىمي كارديوحيرۋرگيالىق ورتالىعىنىڭ پسيحوتەراپيەۆتى عاليا مۇقاتايەۆا.

اۋرۋى اسقىنعان پاتسيەنتتەردىڭ ەڭ جاسى 30 دا. ۇيقىسىزدىق پەن السىزدىككە شاعىمدانعان. ال ەڭ ۇلكەنى 83 تەگى قاريا. ول سوزىلمالى اۋرۋى سىر بەرگەنىن ايتادى. ارنايى جاساقتالعان دارىگەرلىك قۇرام وسى ناۋقاستارعا ءتيىستى ەمشارا جۇرگىزبەك.

«جوبانىڭ نەگىزگى ماقساتى - ناۋقاستاردىڭ دەنساۋلىعىن وڭالتۋ. قازىر ناۋقاستاردان كلينيكالىق، بيوحيميالىق اناليزدەر الىپ، قان قۇرىلىمىن زەرتتەپ، اعزاداعى ۆيرۋستىڭ كونسەنتراتسياسىن انىقتاپ، پاتوگەندى فلورانى تەكسەرۋدەمىز. سول ناتيجەلەر ارقىلى ىندەتتىڭ سالدارىنا زەرتتەۋ جۇرگىزىپ، اناليز جاساپ، ەمدەۋ مەحانيزمىن مەڭگەرۋدى كوزدەيمىز»، - دەيدى ۇلتتىق عىلىمي كارديوحيرۋرگيالىق ورتالىعى «پوستكوۆيدتىك سيندروم» جوباسىنىڭ زەرتتەۋشى- دارىگەرى اينۇر تاۋەكەلوۆا.

پوستكوۆيدتىك سيندرومدى زەرتتەۋ شەتەلدە بار تاجىريبە. عىلىمي جوبانى ەلورداداعى ۇلتتىق كارديوحيرۋرگيالىق ورتالىعى دا ۇسىنىپ، بىرنەشە مەديتسينالىق مەكەمە قولداۋ تانىتقان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات