قازاقستاندىقتار دەپوزيتتە قانشا قارجى ساقتاۋدا
بۇل تۋرالى ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.
«بيىلعى قىركۇيەكتىڭ سوڭىندا بانك جۇيەسىندەگى دەپوزيتتەر جىل باسىنان بەرى 12,4 پايىزعا ۇلعايىپ، 21,4 تريلليون تەڭگەنى قۇرادى. تەڭگەمەن سالىمدار 12,6 تريلليون تەڭگەگە دەيىن 16,7 پايىزعا، ۆاليۋتالىق سالىمدار - 8,7 تريلليون تەڭگەگە دەيىن 6,6 پايىزعا ءوستى»، - دەدى بايماعامبەتوۆ پارلامەنت سەناتىنىڭ جالپى وتىرىسىندا.
ونىڭ ايتۋىنشا، تەڭگەمەن اكتيۆتەردى قورعاۋ بويىنشا جەدەل شارالاردىڭ ناتيجەسىندە دەپوزيتتەردى دوللارلاندىرۋ 2020 -جىلعى 9 ايدىڭ قورىتىندىسى بويىنشا 40,9 پايىزعا دەيىن (2020 -جىلعى ناۋرىزدا %46,7) تومەندەدى.
«ۇزاق مەرزىمدى كرەديتتەردىڭ 12,4 تريلليون تەڭگەگە دەيىن 4,5 پايىزعا نەمەسە 529,2 ميلليارد تەڭگەگە ءوسۋى ناتيجەسىندە ەكونوميكاعا نەسيەلەر بيىلعى قىركۇيەكتىڭ سوڭىندا جىل باسىنان بەرى 14,3 تريلليون تەڭگەگە دەيىن 3,5 پايىزعا (نەمەسە 480,6 ميلليارد تەڭگەگە) ۇلعايدى. قىسقا مەرزىمدى كرەديتتەر 2 تريلليون تەڭگەگە دەيىن 2,4 پايىزعا نەمەسە 48,6 ميلليارد تەڭگەگە ازايدى»، - دەدى ۇ ب وكىلى.
اۆتور: رۋسلان عابباسوۆ