ەلوردادا كوروناۆيرۋسپەن اۋىرىپ جاتقانىن جاسىراتىندار كوبەيىپ بارادى
بۇل تۋرالى نۇر-سۇلتان قالاسىنىڭ باس سانيتار دارىگەرى جاننا پىراليەۆا ايتتى، دەپ حابارلايدى قازاقپارات ءتىلشىسى.
«وزدىگىنەن حابارلاۋ جانە ءۇي وشاقتارىندا بايلانىس كەزىندە ناۋقاستار سانىنىڭ ءوسۋى بايقالادى. بۇل قالا تۇرعىندارىنىڭ الدىن الۋ شارالارىن ساقتامايتىنىن بىلدىرەدى. سوڭعى ۋاقىتتا كوروناۆيرۋس جۇقتىرۋ فاكتىلەرىن جاسىرۋدىڭ جانە تۇرعىلىقتى جەرى مەن جۇمىس ورنى بويىنشا، سونىمەن قاتار جاقىن بايلانىستا بولعاندار تۋرالى جالعان اقپارات بەرۋدىڭ جيىلەۋى بايقالادى. وسىلايشا، وشاقتاردى وقشاۋلاۋ بويىنشا ەپيدەمياعا قارسى ءىس-شارالاردى ۋاقىتىلى جۇرگىزۋگە قيىندىق تۋدىرىپ وتىر»، - دەدى ول.
وسى رەتتە ەلوردانىڭ باس سانيتار دارىگەرى قالا تۇرعىندارى مەن قوناقتارىن اينالاسىنداعى ادامداردىڭ دەنساۋلىعىنا قامقورلىق تانىتۋعا شاقىردى.
«ول ءۇشىن تەك قاراپايىم ەرەجەلەردى ساقتاپ، مەديتسينالىق ماسكانى مىندەتتى تۇردە كيۋ قاجەت. الەۋمەتتىك ارا قاشىقتىق ساقتاۋدى، بۇقارالىق ءىس-شارالار وتكىزبەۋدى، ادامدار كوپ جينالاتىن جەرلەرگە بارماۋدى وتىنەمىن»، دەدى جاننا پىراليەۆا.
اۆتور: مارلان جيەمباي