نۇر-سۇلتاننىڭ باس سانيتار دارىگەرى ەلوردالىقتاردان ىندەتكە بايلانىستى كومەك سۇرادى
«بۇگىنگى تاڭدا ەلىمىزدە ەپيدەميولوگيالىق احۋال كۇرت ناشارلاپ كەتتى. ەۋروپا ەلدەرىندە دە كارانتين شارالارى كۇشەيتىلۋدە. كەيبىر قالالاردا كومەندانتتىق ساعات ەنگىزىلدى. كينو جانە سپورت زالدار، تەاترلار قايتادان جابىلىپ جاتىر. قوعامدىق تاماقتانۋ نىساندارى ساعات 18-00 گە دەيىنگى جۇمىس رەجيمىنە كوشۋدە. 25-قازاندا ا ق ش-تا كوروناۆيرۋستىڭ تاۋلىكتىك رەكوردتىق ءوسىمى تىركەلدى. 24 ساعاتتىڭ ىشىندە 83753 جۇقتىرۋ وقيعاسى انىقتالدى. كورشى رەسەيدە كوروناۆيرۋس ينفەكتسياسىن تىركەۋدىڭ ءوسۋى بايقالادى. ەلدە ماسكانى مىندەتتى تۇردە جاپپاي كيۋ تالابى دا كۇشەيتىلدى»، - دەدى ول.
وسى رەتتە 2020 -جىلدىڭ ماۋسىم- تامىز ايلارىندا قازاقستاندا كوروناۆيرۋس ينفەكسياسىنىڭ كۇرت ارتقانىن دا ەسكە سالىپ ءوتتى.
«بۇگىنگى تاڭدا ەلدەگى تۇراقتى ەپيدەميولوگيالىق جاعدايدى بارلىق كۇشىمىزبەن ساقتاپ قالۋعا تىرىسامىز. سىزدەردەن ەلدى قورعاپ، الەمدە ورىن العان جاعدايدان از شىعىنمەن شىعۋعا كومەكتەسۋىڭىزدى سۇرايمىز»، - دەدى جاننا پىراليەۆا.
اۆتور: مارلان جيەمباي