11:55, 29 - قازان 2020 | GMT +6
ەلوردادا جانە جەتى وڭىردە كوكتايعاق بولادى
نۇر-سۇلتان. قازاقپارات – 29 -قازاندا ەلوردادا جانە جەتى وڭىردە جاۋىن- شاشىننىڭ تۇسۋىنە جانە اياز بولۋىنا بايلانىستى كوكتايعاق بولادى، دەپ حابارلايدى قازاقپارات ق ر ت ج م باسپا ءسوز قىزمەتىنە سىلتەمە جاساپ.
«نۇر-سۇلتان، اقمولا، شىعىس قازاقستان، جامبىل، قاراعاندى، قوستاناي، پاۆلودار، سولتۇستىك قازاقستان وبلىستارىندا جاۋىن- شاشىننىڭ تۇسۋىنە جانە اياز بولۋىنا بايلانىستى كوكتايعاق ورىن الادى. سونىڭ سالدارىنان جول- كولىك وقيعالارى، سونداي-اق كوشە جاراقاتتارى: سوعىلۋ، شىعىپ كەتۋ جانە سىنۋ قاتەرلەرى ۇلعايادى. توتەنشە جاعدايلار مينيسترلىگى جۇرگىزۋشىلەرگە جول قوزعالىسى كەزىندە اباي بولىپ، تومەن جىلدامدىقتى ساقتاۋدى جانە ساق بولۋدى ۇسىنادى. جاياۋ جۇرگىنشىلەر جولدان وتكەن كەزدە وتە مۇقيات بولۋى كەرەك، اسىعۋعا نەمەسە جۇگىرۋگە بولمايدى. كوكتايعاق كەزىندە ازاماتتارعا تابانى تايعانامايتىن اياق كيىم كيۋ ۇسىنىلادى. اباي بولىڭىزدار!» - دەلىنگەن حابارلامادا.