+7 (701) 759 90 19
-9 °С : نۇر-سۇلتان
-1 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

ورتالىق ازيا ەلدەرى مەن ءۇندىستان ىنتىماقتاستىقتى تەرەڭدەتۋدە

29 قازان 11:30
:ءبولىسۋ
ورتالىق ازيا ەلدەرى مەن ءۇندىستان ىنتىماقتاستىقتى تەرەڭدەتۋدە

نۇر-سۇلتان. قازاقپارات - قازاقستاننىڭ سىرتقى ىستەر ءمينيسترى مۇحتار تىلەۋبەردى بەينەكونفەرەنسيا رەجيمىندە ءۇندىستان، قىرعىزستان، تاجىكستان، تۇرىكمەنستان جانە وزبەكستان سىرتقى ساياسي ۆەدومستۆولارى باسشىلارىنىڭ قاتىسۋىمەن وتكەن «ورتالىق ازيا -ءۇندىستان» ديالوگىنىڭ ەكىنشى وتىرىسىنا قاتىستى، دەپ حابارلايدى ق ر س ءى م باسپا ءسوز قىزمەتى.

تالقىلاۋعا اۋعانستاننىڭ سىرتقى ىستەر ءمينيسترى موحامماد حانيف اتمار دا قاتىستى. ورتالىق ازياداعى قاۋىپسىزدىكتى نىعايتۋ جانە تۇراقتى ءوسۋدى قامتاماسىز ەتۋ ماقساتىندا ۇزاق مەرزىمدى كوپ جوسپارلى ءوزارا ءىس-قيمىلدى كەڭەيتۋ، مەملەكەتارالىق بايلانىستاردى تەرەڭدەتۋ ماسەلەلەرى بويىنشا جان-جاقتى پىكىر الماسىلدى.

ساۋدا-ەكونوميكالىق ءوزارا ءىس-قيمىلدىڭ، وسى فورماتقا قاتىسۋشى مەملەكەتتەردىڭ كولىكتىك ءوزارا بايلانىس جونىندەگى باستامالارىن ىسكە اسىرۋدىڭ، سونداي-اق وڭىردەگى سانيتاريالىق-ەپيدەميولوگيالىق احۋالدى تۇراقتاندىرۋعا ءوزارا كومەك كورسەتۋدىڭ پەرسپەكتيۆالارى قارالدى.

مينيسترلەر سىرتقى ساياسي ۆەدومستۆولاردىڭ كۇش-جىگەرىن كوپجاقتى ءوزارا ءىس-قيمىلدىڭ ستراتەگيالىق ماڭىزدى باعىتتارىنا شوعىرلاندىرۋعا، ەكونوميكالىق جانە ءوڭىرارالىق ىنتىماقتاستىقتى كەڭەيتۋگە دايىن ەكەندىكتەرىن ءبىلدىردى.

ورتالىق ازيا مەملەكەتتەرى مەن ءۇندىستاننىڭ كوپجوسپارلى ىنتىماقتاستىعىنىڭ جاندانۋى كوپعاسىرلىق دوستىق، ءوزارا قۇرمەت پەن پايدا داستۇرلەرىنە سايكەس ورتاق مۇددەلەرگە جاۋاپ بەرەدى جانە الەۋمەتتىك-ەكونوميكالىق پروگرەستىڭ، وڭىردەگى بەيبىتشىلىكتى، تۇراقتىلىق پەن قاۋىپسىزدىكتى ساقتاۋدىڭ ماڭىزدى فاكتورى بولىپ تابىلادى.

كەزدەسۋ قورىتىندىسى بويىنشا ورتالىق ازيا مەن ءۇندىستان سىرتقى ىستەر مينيسترلەرىنىڭ بىرلەسكەن مالىمدەمەسى قابىلداندى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات