+7 (701) 759 90 19
-9 °С : نۇر-سۇلتان
0 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

تۇركىستان وبلىسى بالا تۋۋ مەن تابيعي ءوسىم بويىنشا كوش باستاپ تۇر

29 قازان 09:57
:ءبولىسۋ
تۇركىستان وبلىسى بالا تۋۋ مەن تابيعي ءوسىم بويىنشا كوش باستاپ تۇر

نۇر-سۇلتان. قازاقپارات - 2020-جىلدىڭ 1- قىركۇيەگىندەگى ەسەپ بويىنشا تۇركىستان وبلىسى حالقىنىڭ سانى 2036029 ادامدى قۇرادى.

ونىڭ ىشىندە قالالىق جەردە 412819 ادام (%20,3)، اۋىلدىق جەردە 1623210 ادام (%79,7) بار، دەپ حابارلايدى وبلىستىق اكىمدىكتىڭ باسپا ءسوز قىزمەتى.

وتكەن جىلدىڭ ءتيىستى ۋاقىتىمەن سالىستىرعاندا حالىق سانى %1,4 عا وسكەن. رەسپۋبليكا بويىنشا وبلىس تۋۋ مەن تابيعي ءوسىم كورسەتكىشتەرى بويىنشا 1-ورىندا. بۇل تۋرالى وڭىرلىك كوممۋنيكاتسيالار قىزمەتىندە وبلىستىق ستاتيستيكا دەپارتامەنتىنىڭ باسشىسى ايدار ابىلدابەكوۆ مالىمدەدى.

بۇدان وزگە، 2020-جىلدىڭ Ⅱ توقسانىندا تۇركىستان وبلىسى بويىنشا ءبىر قىزمەتكەردىڭ ورتاشا ايلىق اتاۋلى جالاقىسى - 168301 تەڭگەنى قۇراعان.

«ەڭ جوعارى ورتاشا ايلىق جالاقى سوزاق اۋدانىندا - 243324 تەڭگە بولىپ بەلگىلەنسە، ەڭ تومەن جالاقى سارىاعاش اۋدانىندا - 137498 تەڭگە كولەمىندە. 2020-جىلعى 2-توقساندا ەڭ جوعارى ايلىق جالاقى «قارجى جانە ساقتاندىرۋ» سالاسىندا - 220355 تەڭگە بولىپ بەلگىلەنسە، ەڭ تومەنى «جىلجىمايتىن مۇلىكپەن جاسالاتىن وپەراتسيالار» سالاسىندا - 70121 تەڭگە. وبلىستا ازىق-تۇلىك تاۋارلارىنىڭ باعالارى - %7,1 عا، ازىق-تۇلىك ەمەس تاۋارلارى - %3 عا، اقىلى قىزمەتتەر - %5,5 عا قىمباتتاعان»، - دەدى دەپارتامەنت باسشىسى.

سونىمەن قاتار، 2020-جىلدىڭ قاڭتار-ماۋسىم ايلارى بويىنشا تۇركىستان وبلىسىنىڭ جالپى وڭىرلىك ءونىم كولەمى 770 ميلليارد تەڭگەنى قۇراپ، ناقتى كولەم يندەكسى بويىنشا وبلىس رەسپۋبليكادا ءبىرىنشى ورىندى يەمدەنگەن.

جالپى وڭىرلىك ءونىمنىڭ قۇرىلىمىندا ونەركاسىپتىڭ ۇلەسى - %19,7، اۋىل، ورمان جانە بالىق شارۋاشىلىعى - %14,6، ءبىلىم بەرۋ - %12,7 دى الىپ وتىر. اعىمداعى جىلدىڭ قاڭتار-قىركۇيەك ارالىعىندا تۇركىستان وبلىسى بويىنشا نەگىزگى كاپيتالعا سالىنعان ينۆەستيتسيا كولەمى - 414 ميلليارد 53 ميلليون تەڭگەگە جەتىپ، 2019-جىلدىڭ ءتيىستى كەزەڭىمەن سالىستىرعاندا %66,7 عا ارتقان. نەگىزگى ينۆەستيتسيالىق سالىمداردىڭ %86,2 ىن شاعىن كاسىپورىندار جۇزەگە اسىرعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات