+7 (701) 759 90 19
-23 °С : نۇر-سۇلتان
-2 °С : الماتى
USD 422.87 EUR 512.1
RUB 5.63 CNY 64.49
جاڭالىقتار

كوروناۆيرۋس ەۋروپاداعى ازاماتتىق اۆياتسياعا قۇلدىراۋ قاۋپىن توندىرۋدە

29 قازان 08:42
:ءبولىسۋ
كوروناۆيرۋس ەۋروپاداعى ازاماتتىق اۆياتسياعا قۇلدىراۋ قاۋپىن توندىرۋدە

لوندون. قازاقپارات - پاندەميا جاعدايىندا ەۋروپاداعى ەڭ ءىرى اۋەجايلاردىڭ جولاۋشىلار اينالىمى ءۇش ەسە تومەندەگەن.

بۇعان كومپانيالاردىڭ وندىرىستىك كورسەتكىشتەرى تۋرالى ەسەپتەر دالەل بولا الادى، دەپ حابارلايدى قازاقپارات euronews - كە سىلتەمە جاساپ.

وسىلايشا داعدارىسقا دەيىن ەۋروپاداعى تاسىمالداۋ كولەمى بويىنشا ەڭ ءىرى بولىپ سانالعان لوندوندىق «حيتروۋ» جۇكتەمەنىڭ شامامەن %69 عا تومەندەگەنىن تىركەدى، ول شامامەن 19 ميلليون جولاۋشىعا قىزمەت كورسەتتى. پاريجدىك «شارل دە گوللدىڭ» شىعىندارى شامامەن %67 دى قۇرادى. ەۋروپانىڭ اۋەحابتارىنىڭ العاشقى بەستىگىندە ەڭ كوپ زارداپ شەككەن - فرانكفۋرت اۋەجايى، ول جولاۋشىلاردىڭ %70 دان استامىن جوعالتتى. جەنيەۆا اۋەجايىنىڭ باس ديرەكتورى اندرە شنايدەر داعدارىستان شىعۋ ءۇشىن بىرنەشە جىل قاجەت ەكەنىن ەسكەرتەدى.

«ءبىزدىڭ ءتۇسىمىمىزدىڭ %95 جولاۋشىلارعا تىكەلەي نەمەسە جاناما تۇردە بايلانىستى. بۇل كىرىستىڭ ەداۋىر بولىگىن جوعالتاتىنىمىزدى بىلدىرەدى. ءبىز شىعىنداردى ازايتۋ ءۇشىن كوپتەگەن شارا قابىلدادىق، ءبىراق ءبىز جوعارى تەحنولوگيالىق نىساندارمەن تولتىرىلعان پلاتفورمانى ۇسىنعاندىقتان، شىعىندارىمىزدى تەز ازايتۋعا مۇمكىندىگىمىز شەكتەۋلى»، — دەدى اندرە شنايدەر.

حالىقارالىق اۋەجايلار كەڭەسىنىڭ باعالاۋى بويىنشا، ەلەۋلى مەملەكەتتىك قولداۋسىز 200 گە جۋىق ەۋروپالىق اۋە تورابى بانكروتقا ۇشىراۋى مۇمكىن. جىل باسىنان بەرى وڭىردە اۋە تاسىمالىنىڭ كولەمى 1,3 ميلليارد جولاۋشىعا قىسقاردى. قازان ايىنىڭ ورتاسىنداعى جاعداي بويىنشا كورسەتكىشتەر تومەندەۋدە — ە و، ەۋروايماق ەلدەرى، شۆەيتساريا جانە ۇلى بريتانياداعى اۋەجايلار ءۇشىن قۇلدىراۋ %80 دى قۇراۋى مۇمكىن، ال شەكارانى جابۋ جانە قىسقى ماۋسىمداعى شەكتەۋلەردى كۇشەيتۋ پەرسپەكتيۆالارى ازاماتتىق اۆياتسيانى تىعىرىققا تىرەيدى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات