ساداق اتۋدان ەل چەمپيوناتىنا جۇزگە جۋىق سپورتشى قاتىسادى

None
None
نۇر- سۇلتان. قازاقپارات - ەرتەڭ الماتى وبلىسىنداعى «اقبۇلاق» وليمپيادا ورتالىعىندا ساداق اتۋدان كەزەكتى ەل چەمپيوناتى باستالادى، دەپ حابارلايدى Olympic.kz.

تۋرنيرگە ەلىمىزدىڭ سەگىز وڭىرىنەن جۇزگە جۋىق سپورتشى قاتىسادى. ۇيىمداستىرۋشىلار كوروناۆيرۋس ىندەتىنە بايلانىستى جارىس ەرەجەسىنە كوپتەگەن وزگەرتۋلەر ەنگىزدى. اتاپ ايتار بولساق، قازاقستان بىرىنشىلىگىنىڭ سالتاناتتى تۇردە اشىلۋ جانە جابىلۋ سالتاناتى وتكىزىلمەيدى. سونداي- اق، باپكەرلەر مەن سپورتشىلار قاتىسۋىمەن باسپا ءسوز ءماسليحاتى ۇيىمداستىرىلمايدى. جەڭىمپازدار مەن جۇلدەگەرلەردى ماراپاتتاۋ راسىمىندە دە بارلىق تالاپتار ساقتالادى. تۋرنيرگە قاتىساتىن سپورتشىلاردىڭ پ ت ر تەستى تەرىس ناتيجە كورسەتۋى كەرەك. ءار كوماندانىڭ قاسىندا ءوز دارىگەرى جۇرەدى. ولار قاتىسۋشىلاردىڭ دەنساۋلىعى تۋرالى ۇيىمداستىرۋشىلارعا حابارلاپ وتىرۋعا مىندەتتى. چەمپيوناتتىڭ فينالدىق كەزەڭى 3 -قاراشاعا جوسپارلانعان.

سوڭعى جاڭالىقتار