21:21, 28 - قازان 2020 | GMT +6
ارىستىڭ زيالى قاۋىمى ابايدىڭ اۋىلىنا اتتاندى
ارىس. قازاقپارات - ارىس قالاسىنىڭ اكىمى مۇرات قادىربەكتىڭ باستاماسى بويىنشا قالالىق ىشكى ساياسات ءبولىمىنىڭ ۇيىمداستىرۋىمەن ارىس قالاسىنان شىعىس قازاقستان وبلىسىنا ارنايى ەكسپەديتسيا اتتاندى، دەپ حابارلايدى قازاقپارات.
ۇلى اقىن ابايدىڭ 175 جىلدىق مەرەكەسىنە وراي، ايماقتاعى زيالى قاۋىم وكىلدەرى مەن جاستاردان جاساقتالعان «ارىس قالاسىنان - ۇلى ابايدىڭ اۋىلىنا» دەپ اتالاتىن تانىمدىق ەكسپەديتسيا مۇشەلەرىن قالا اكىمى ارنايى قابىلداپ، ءساتتى ساپار تىلەدى.
ەكسپەديتسيا اۋەلى قاراكەرەي قابانباي باتىرعا ماڭگىلىك مەكەن بولعان شىعىستىڭ جۇلدىزى وسكەمەن قالاسىنا تابان تىرەدى. وندا ارنايى توپ باتىر ەسكەرتكىشىنە تاعزىم جاسادى. كەيىن ەكسپەديتسيا ۇلى اقىننىڭ ەلى سەمەي قالاسىنا جول تارتتى. وندا اباي ەسكەرتكىشىنە گۇل شوقتارىن قويدى. ءيبراھيمنىڭ وقىعان احمەت ريزا مەشىت- مەدرەسەسىنە ايالدادى. سونداي- اق، «الاش ارىستارى» مۋزەيىنە ارنايى ايالداپ، ونداعى قۇندى جادىگەرلەرمەن تانىستى. تاعىلىمى مول تانىمدىق ساپار 30-قاراشاعا دەيىن جالعاسادى.