پرەزيدەنتكە وتاندىق بيزنەستى قولداۋعا قاتىستى جوسپار جايىندا باياندالدى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ كاسىپكەرلەر قۇقىن قورعاۋ جونىندەگى ۋاكىل رۇستەم ءجۇرسىنوۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

قاسىم- جومارت توقايەۆقا كاسىپكەرلەر قۇقىن قورعاۋ ماسەلەسى بويىنشا اتقارىلعان جۇمىستار مەن وتاندىق بيزنەستى قولداۋعا قاتىستى جوسپار جايىندا باياندالدى. رۇستەم ءجۇرسىنوۆ قازاقستان پرەزيدەنتىنە سوڭعى 4 جىل ىشىندە 25 مىڭ ءوتىنىش قارالىپ، ونىڭ 43 پايىزى وڭ شەشىلگەنىن، كاسىپكەرلەردىڭ 197 ميلليارد تەڭگە كولەمىندەگى مۇلىكتىك قۇقىقتارى قورعالعانىن ايتتى.

بيزنەس- ومبۋدسمەننىڭ ايتۋىنشا، سانيتارلىق تالاپتاردى ساقتاۋ جونىندە ءتارتىپ ازىرلەندى، كاسىپكەرلەردىڭ، ولاردىڭ جۇمىسشىلارى مەن تۇتىنۋشىلارىنىڭ اراسىنداعى جاۋاپكەرشىلىگى ايقىندالدى. مەملەكەت باسشىسىنا كوروناۆيرۋس پاندەمياسىنىڭ وتاندىق بيزنەسكە تيگىزگەن سالدارى جانە كاسىپكەرلەرگە قولداۋ كورسەتۋ جونىندەگى ۇسىنىستار تۋرالى اقپارات بەرىلدى. ناقتى ايتقاندا، ەڭبەكاقى تولەۋ قورى، جەر قاتىناستارى، سالىق ماسەلەلەرى جان- جاقتى ايتىلدى. قاسىم- جومارت توقايەۆ جەر قاتىناستارى مەن ەڭبەكاقى تولەۋ قورىنا سالماق تۇسىرمەيتىن جاڭا رەتتەۋ ساياساتى جونىندەگى وزگەرىستەردى ءتيىستى مەملەكەتتىك ورگاندار مۇقيات زەرتتەۋى قاجەت ەكەنىن اتاپ ءوتتى. پرەزيدەنت «ءبىر كوزدەن ساتىپ الۋ» پورتالىنىڭ تيىمدىلىگى مەن اشىقتىعىنا ءجىتى ءمان بەرۋ كەرەك دەپ سانايدى. قاسىم- جومارت توقايەۆ رۇستەم جۇرسىنوۆكە بيزنەسكە قاتىستى اكىمشىلىك قۇقىق بۇزۋشىلىقتاردىڭ ارتۋ سەبەپتەرىن انىقتاۋعا، باقىلاۋ- قاداعالاۋ قىزمەتىن رەفورمالاۋدى ازىرلەۋگە باعىتتالعان ءبىرقاتار تاپسىرما بەردى.

سوڭعى جاڭالىقتار