قازاقتىڭ تۇڭعىش سكريپكاشىسى ءالىم المات تۋرالى فيلم ءتۇسىرىلۋى مۇمكىن

None
None
نۇر- سۇلتان. قازاقپارات - قازاقتىڭ تۇڭعىش سكريپكاشىسى ءالىم المات تۋرالى فيلم ءتۇسىرۋدى وكىلەتتى ورگان قولدادى. بۇل تۋرالى ق ر پرەمەر- ءمينيسترى اسقار ءماميننىڭ سەنات دەپۋتتارىنىڭ ساۋالىنا بەرگەن جاۋابىندا ايتىلعان، دەپ حابارلايدى قازاقپارات ءتىلشىسى.

«ءالىم المات تۋرالى كوركەم فيلم ءتۇسىرۋ تۋرالى ۇسىنىستى وكىلەتتى ورگان تۇجىرىمدامالىق تۇرعىدا قولدادى جانە كينەماتوگرافيا سالاسىنداعى زاڭناماعا سايكەس قارالاتىن بولادى»، - دەدى اسقار ءمامين.

ايتا كەتەيىك، تاياۋدا ءبىر توپ سەناتور ەكىنشى دۇنيەجۇزىلىك سوعىستا قاپىدا تۇتقىنعا تۇسكەن جاۋىنگەرلەر اقتالۋى كەرەكتىگىن ماسەلە ەتىپ كوتەرىپ، سونداي ازاماتتاردىڭ ءبىرى ءالىم المات تۋرالى فيلم ءتۇسىرۋدى ۇكىمەت باسشىسى اسقار مامينگە ۇسىنعان ەدى.

«ونىڭ ءبىرى - سوعىس قۇربانى، ءومىرىنىڭ سوڭىنا دەيىن تۋعان جەرىندە اقتالماعان ءالىم المات بولاتىن. ول 1939 -جىلى قىزىل اسكەر قاتارىنا شاقىرىلىپ، 1941 -جىلى ەلگە قايتار كەزدە سوعىس باستالىپ كەتەدى. ماۋسىم ايىنىڭ سوڭىندا ءا. المات ديۆيزياداعى 560 اداممەن بىرگە تۇتقىنعا تۇسەدى. ءبىراق قازاقتىڭ ءبىرتۋار پەرزەنتى مۇستافا شوقايدىڭ جارى ماريا شوقايدىڭ كومەگىمەن تۇتقىننان بوساپ شىعىپ، مۋزىكا ۋچيليشەسىنە وقۋعا قابىلدانادى. تالانتتى مۋزىكانت اۋەلى پاريجدەگى كونسەرۆاتوريادا وقيدى، كەيىن تۇرىك ەلشىلىگى ارقىلى تۇركيا ازاماتتىعىن الادى. سول ەلدە قايتىس بولدى»، - دەگەن ەدى ۇكىمەت باسشىسىنا دەپۋتاتتىق ساۋال جولداعان ءالىمحان قۇرتايەۆ.

اۆتور: مارلان جيەمباي

سوڭعى جاڭالىقتار