اۋىل مارتەبەسى بەرىلەتىن قالالاردا بيۋدجەت قىزمەتكەرلەرىنىڭ ايلىعى وسەدى

None
None
نۇر- سۇلتان. قازاقپارات - ءماجىلىس دەپۋتاتى ءاليا ساپاروۆا اۋداندىق ماڭىزى بار قالالارعا اۋىل مارتەبەسىن بەرۋدىڭ ارقاسىندا اۋىلدىڭ بيۋدجەتتىك قىزمەتكەرلەرىنىڭ ايلىعى كوبەيەتىنىن مالىمدەدى، دەپ حابارلايدى قازاقپارات ءتىلشىسى.

ەسكە سالا كەتسەك، ءماجىلىس دەپۋتاتى ءاليا ساپاروۆا پارلامەنت ماجىلىسىندە «ق ر- نىڭ كەيبىر زاڭنامالىق اكتىلەرىنە وڭىرلەردىڭ اكىمشىلىك- اۋماقتىق قۇرىلىسىن جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرعان بولاتىن. زاڭ جوباسىنا سايكەس ەلىمىزدەگى 13 اۋداندىق ماڭىزى بار قالاعا اۋىل مارتەبەسى بەرىلەدى.

زاڭ جوباسىن تالقىلاۋ بارىسىندا امانگەلدى داۋرەنبايەۆ بۇل وزگەرىستەردەن تۇرعىنداردىڭ الەۋمەتتىك- ەكونوميكالىق جاعىنان نە ۇتاتىنىن سۇرادى. ءوز كەزەگىندە ءاليا ساپاروۆا اۋداندىق ماڭىزى بار قالالاردىڭ (كەيىن اۋىل مارتەبەسىنە وزگەرەتىن) قازىرگى تۇرعىندارى قانداي ارتىقشىلىققا يە بولاتىنىن ناقتى ايتىپ بەردى.

«اۋداندىق ماڭىزى بار قالاعا اۋىل مارتەبەسى بەرىلسە بىرىنشىدەن اۋىلداردا ەڭبەك ەتەتىن دەنساۋلىق ساقتاۋ، مادەنيەت، ءبىلىم، الەۋمەتتىك قامسىزداندىرۋ، سپورت سالاسىنداعى قىزمەتكەرلەردىڭ جالاقىسىنا 25 پايىزدىق ۇستەمەاقى قوسىلادى. ەكىنشىدەن اۋىلداعى مەكتەپتەردىڭ تۇلەكتەرىنە وقۋعا ءتۇسۋ ءۇشىن قابىلداۋ كۆوتاسى قاراستىرىلعان. سونداي- اق ايتا كەتەرلىگى، وسىنداي باعدارلامالاردىڭ ءبىرى - «ديپلوممەن اۋىلعا» باعدارلاماسى اياسىندا اۋىلدى ەلدىمەكەندەرگە كەلىپ جاتقان جاس ماماندارعا مەملەكەتتىك قولداۋ كورسەتىلەدى. اتاپ ايتقاندا ولارعا كوتەرمە جاردەماقى مەن تۇرعىن ءۇي الۋ ءۇشىن بيۋدجەتتىك نەسيە بەرىلەدى»، - دەدى ول.

ايتسە دە، ءوز كەزەگىندە ۇلتتىق ەكونوميكا ۆيتسە- ءمينيسترى ەرمەك الپىسوۆ اۋداندىق ماڭىزى بار قالالارعا اۋىل مارتەبەسىن بەرۋ ماسەلەسى تەك تۇرعىنداردىڭ جيىنى ارقىلى شەشىلەتىنىن، ياعني سونداعى حالىقتىڭ پىكىرى ەسكەرىلەتىنىن مالىمدەدى.

اۆتور: ايان بەكەن ۇلى

سوڭعى جاڭالىقتار