ەلوردا تۇرعىنى وتباسىلىق جانجالدان كەيىن گاز باللونىن جارماق بولعان

نۇر-سۇلتان. قازاقپارات - ەلوردا تۇرعىنى وتباسىلىق جانجالدان كەيىن گاز باللونىن جارىپ جىبەرمەك بولدى، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنە سىلتەمە جاساپ.

اعىمداعى جىلدىڭ 27-قازانىندا ساعات 17:50-دە نۇر-سۇلتان قالاسى پوليتسيا دەپارتامەنتىنىڭ جەدەل باسقارۋ ورتالىعىنىڭ 102 نومىرىنە ەر ادامنىڭ گاز باللونىن جارۋعا ارەكەت جاساعاندىعى تۋرالى حابارلاما كەلىپ تۇسكەن. قاۋىپسىزدىكتى قامتاماسىز ەتۋ ءۇشىن كورشى پاتەرلەردەن 30 عا جۋىق تۇرعىن، سونىڭ ىشىندە بالالار ەۆاكۋاتسيالاندى. پوليتسيا قىزمەتكەرلەرى قۇتقارۋشىلارمەن بىرىگىپ، ەلوردانىڭ 28 جاستاعى تۇرعىنىن ۇستادى. ونىڭ بۇل ارەكەتتى وتباسىلىق جانجالدان كەيىن جاساماق بولعانى انىقتالدى. پوليتسيا بولىمىنە جەتكىزىلگەن ەر ادام زاڭ جۇزىندە ءتيىستى جازاسىن الادى.