قازاقستاندا قاي كاسىپورىن باسشىلارى ەڭ جوعارى جالاقى الادى؟
بيىلعى جىلدىڭ جازىنداعى ەڭبەك نارىعىن زەرتتەۋ ناتيجەلەرى كورسەتكەندەي، قازاقستان رەسپۋبليكاسىندا ەسەپتەلگەن جالاقى مولشەرى بويىنشا قىزمەتكەرلەردىڭ قۇرىلىمى مىناداي.
قىزمەتكەرلەردىڭ جالپى سانىنىنىڭ ورتاشا ايلىق جالاقىسى:
• 45000 تەڭگەگە دەيىن — قىزمەتكەرلەردىڭ %1,8 ى؛
• 45000-نان 105000 تەڭگەگە دەيىن — %30,8؛
• 105000-نان 210000 تەڭگەگە دەيىن - %39,2؛
• 210000 نان 300000 تەڭگەگە دەيىن — %14,2؛
• 300000-نان 420000 تەڭگەگە دەيىن — %7,2؛
• 420000 نان 600000 تەڭگەگە دەيىن — %3,6؛
• 600000 نان 750000 تەڭگەگە دەيىن — %1,2؛
• وت 750000-نان 900000 تەڭگەگە دەيىن — %0,6؛
• 900000 تەڭگەدەن جوعارى — قىزمەتكەرلەردىڭ %1,4 ى.
ۇيىمداردىڭ تىكەلەي باسشىلارىنىڭ ورتاشا ايلىق جالاقىسىنىڭ مولشەرى 518,3 مىڭ تەڭگەنى قۇرادى.
سونىمەن بىرگە، ەكونوميكا سالالارى اياسىندا ايتارلىقتاي ايىرماشىلىق بايقالادى.
ماسەلەن، تۇرعىن ءۇي مەن تاماقتاندىرۋ قىزمەتتەرىن ۇسىنۋ سالاسىنداعى ۇيىمداردىڭ باسشىلارى بارىنەن كوپ، ياعني 1,8 ميلليون الادى.
جالاقى كولەمى بويىنشا ەڭ كوپ الاتىن باسشىلاردىڭ ۇشتىگىنە تاۋ- كەن ونەركاسىبىنىڭ (1,3 ميلليون تەڭگە)، سونداي-اق قارجىلىق جانە ساقتاندىرۋ قىزمەتى (1,1 ميلليون تەڭگە) باسشىلارى كىردى.
ەڭ از جالاقىنى الەۋمەتتىك ماڭىزى بار سالالارداعى كاسىپورىن باسشىلارى الادى. ولار: مەملەكەتتىك باسقارۋ، قورعانىس جانە مىندەتتى الەۋمەتتىك قامسىزداندىرۋ كاسىپورىندارىنىڭ باسشىلارى (بارلىعى 271,8 مىڭ تەڭگە)، سونداي-اق دەنساۋلىق ساقتاۋ (280,3 مىڭ تەڭگە) جانە ءبىلىم بەرۋ (323,6 مىڭ تەڭگە) سالاسىنداعى كاسىپورىنداردىڭ باسشىلارى. وڭىرلەر بويىنشا العاندا ۇيىم باسشىلارىنىڭ اراسىندا ورتاشا ايلىق اتاۋلى جالاقىنىڭ ەڭ كوپ مولشەرى اتىراۋ وبلىسىندا (876,6 مىڭ تەڭگە)، سونداي-اق الماتىدا (805,6 مىڭ تەڭگە) جانە نۇر-سۇلتاندا (638,6 مىڭ تەڭگە) بايقالدى.
ەڭ از جالاقىنى جامبىل (265 مىڭ تەڭگە)، سولتۇستىك قازاقستان (280,2 مىڭ تەڭگە) جانە قوستاناي (316,9 مىڭ تەڭگە) وبلىستارىنىڭ كاسىپورىن باسشىلارى الادى.