جامبىل وبلىسى ت. رىسقۇلوۆ اۋدانىندا العاش رەت راپس داقىلى ەگىلۋدە

None
None
تاراز. قازاقپارات - جامبىل وبلىسى ت. رىسقۇلوۆ اۋدانىندا العاش رەت راپس داقىلى ەگىلۋدە، - دەپ حابارلايدى قازاقپارات ءتىلشىسى.

جامبىل وبلىسىنىڭ اكىمى بەردىبەك ساپاربايەۆتىڭ تاپسىرماسىنا سايكەس، ايماقتا راپس داقىلىن ەگۋ جۇمىستارى قارقىندى جۇرگىزىلىپ كەلەدى.

ماسەلەن، تۇرار رىسقۇلوۆ اۋدانىندا 100 گەكتارعا جۋىق القاپقا كۇزدىك راپس داقىلىن ەگۋ جوسپارلانعان بولاتىن. ءتۇسىندىرۋ جۇمىستارىنىڭ جۇيەلى جۇرگىزىلۋىنىڭ ناتيجەسىندە اۋدان شارۋالارى جوسپاردى ارتىعىمەن ورىنداپ، 160 گەكتار القاپقا ءدان سەبۋدى ماقسات ەتىپ وتىر.

وتكەن اپتادا قوجالىقتاردىڭ بىرنەشەۋى جەرگە اتالمىش مايلى داقىلدى باستىرىپ تا ۇلگەردى. اسىرەسە، اباي اۋىلدىق وكرۋگىندەگى بىرنەشە شارۋا قوجالىقتارى كۇزدىك راپس داقىلىن ەگۋگە نيەت تانىتقان دەسەك، سولاردىڭ ءبىرى — «دوستىق - ە» شارۋا قوجالىعى. شارۋاشىلىق باسشىسى ايتجان يحيەۆ اتى اتالعان داقىلدى ءوز القابىنىڭ 10 گەكتارىنا ەگۋدە.

بۇل ماقساتتا مۇرات ايتىمبەتوۆ پەن اندرەي يسايەۆ سىندى مەحانيزاتورلار ەگىس القابىنداعى قيىن جۇمىستاردى ەڭسەرىپ، تىنباي ەڭبەك ەتىپ ءجۇر. قوجالىق جەتەكشىسىنىڭ ايتۋىنشا، اتالمىش باستاماعا جەرگىلىكتى باسشىلار بارىنشا قولداۋ كورسەتىپتى. وكرۋگتەگى «مەدەۋ تورە»، «قۇرمانباي»، «نۇرپەيىس» شارۋا قوجالىقتارى دا راپس داقىلىن ەگۋگە نيەت تانىتقان.

اگروسالانى الشاڭ باستىراتىن ءدال وسىنداي باستامالاردى قولداۋعا جاڭاتۇرمىستىق شارۋالار دا زور ىقىلاس تانىتىپ وتىر ەكەن. سولاردىڭ ءبىرى — «ءادىل» شارۋا قوجالىعى. ونىڭ باسشىسى قالدىبەك ءادىلوۆ تە وزىنە تيەسىلى ەگىستىك القاپتىڭ 10 گەكتارىنا راپس داقىلىن ەگىپتى.

شارۋانىڭ ايتۋىنشا، ول داقىلدى ەكپەس بۇرىن ونى جان-جاقتى زەرتتەپ كورگەن. ەگىستىك القابىنا ارنايى بارعان اۋدان اكىمىنىڭ ورىنباسارى ەرلان قالىبايەۆ پەن اۋىلشارۋاشىلىعى ءبولىمىنىڭ سەكتور مەڭگەرۋشىسى الديبەك تۋعانبايەۆ راپس داقىلى جەردى تىڭايتۋعا قولايلى داقىل ەكەنىن، سونداي-اق، اۋا رايىنىڭ ءارتۇرلى جاعدايلارىنا ءتوزىمدى بولاتىنىن العا تارتىپ، قوجالىقتىڭ باستاماسىنا ساتتىلىك تىلەدى.

جالپى كۇزدىك راپس داقىلىن ەگۋگە اۋداننان 15 شارۋا قوجالىق نيەت بىلدىرگەن. ول ءۇشىن اۋىلشارۋاشىلىعى ءبولىمى 600 كيلوگرام داقىلدى اۋدانعا جەتكىزۋ باعىتىندا جۇيەلى جۇمىس جاساپ، قوجالىقتارعا ۇلەستىرىپتى.

الداعى ۋاقىتتا داقىلدى ەگۋگە قۇلشىنىس تانىتىپ وتىرعان وزگە دە شارۋالار دا بار ەكەن.

سوڭعى جاڭالىقتار