چەمپيوندار ليگاسى: «رەال مادريد» العاشقى ۇپايىنا قول جەتكىزدى
ا توبىندا گەرمانيانىڭ «باۆارياسى» رەسەي استاناسى - ماسكەۋدە جەرگىلىكتى «لوكوموتيۆتى» 2:1 ەسەبىمەن تىزە بۇكتىردى. ال يسپانيانىڭ «اتلەتيكو مادريدى» ءوز الاڭىندا اۆستريانىڭ «رەد بۋلل زالتسبۋرگىن» 3:2 ەسەبىمەن جەڭدى. ا توبىندا التى ۇپايمەن «باۆاريا» كوش باستاپ تۇر.
يسپانيانىڭ «رەال مادريد» كلۋبى گەرمانيادا مەنحەنگلادباحتىڭ «بورۋسسياسىمەن» 2:2 ەسەبىمەن تەڭ وينادى.
وسىلايشا ولار ەكى ويىندا العاشقى ۇپايىنا ارەڭ قول جەتكىزدى. ۆ توبىنداعى تاعى ءبىر كەزدەسۋدە ۋكراينانىڭ «شاحتەر» جانە يتاليانىڭ «ينتەر» كوماندالارى 0:0 ەسەبىنە قاناعات ءبىلدىردى.
ءبىرىنشى ورىندا 4 ۇپايمەن «شاحتەر» تۇر. س توبىندا انگليانىڭ «مانچەستەر سيتي» كومانداسى ەكىنشى تۋردا سىرت الاڭدا فرانتسيانىڭ «وليمپيك مارسەلىنەن» 3:0 ەسەبىمەن باسىم ءتۇستى.
وسى توپتا پورتۋگاليانىڭ «پورتۋى» «وليمپياكوسىن» 2:0 ەسەبىمەن جەڭدى. كوش باسىندا التى ۇپايمەن «مانچەستەر سيتي» كەلەدى.
D توبىندا سىنعا ءتۇسىپ جاتقان انگليانىڭ «ليۆەرپۋلى» بۇل جولى دا جەڭىسكە جەتتى.
اعىلشىندىق كلۋب بۇل جولى ءوز الاڭىندا دانيانىڭ «ميدتيۋللاننىن» 2:0 ەسەبىمەن ۇتتى. اتالعان توپتاعى يتاليانىڭ «اتالانتا» جانە گوللانديانىڭ «اياكس» كوماندالارى 2:2 ەسەبىمەن تەڭ وينادى.
ەكى تۋردا بىردە-ءبىر ۇپايدى شاشاۋ شىعارماعان «ليۆەرپۋل» ك ق ش باستاپ كەلەدى. چەمپيوندار ليگاسى بۇگىن جالعاسادى. بۇل جولى E ، F، G، H توپتارىنداعى كوماندالار وينايدى.