نۇرسۇلتان نازاربايەۆ بىرىككەن اراب امىرلىكتەرى پرەمەر- ءمينيسترىنىڭ ورىنباسارىمەن كەزدەستى

None
None
بىرىككەن اراب امىرلىكتەرى. قازاقپارات - ەلباسى، «سامۇرىق- قازىنا» ۇلتتىق ءال- اۋقات قورىن باسقارۋ جونىندەگى كەڭەستىڭ ءتوراعاسى نۇرسۇلتان نازاربايەۆ بىرىككەن اراب امىرلىكتەرى پرەمەر- ءمينيسترىنىڭ ورىنباسارى، پرەزيدەنت ىستەرى جونىندەگى ءمينيسترى شەيح مانسۋر بەن زايد ءال ناحايانمەن كەزدەستى.

كەزدەسۋ بارىسىندا ەكونوميكالىق ىنتىماقتاستىقتىڭ وزەكتى ماسەلەلەرى تالقىلاندى. تاراپتار قازاقستان رەسپۋبليكاسىنىڭ پرەمەر- ءمينيسترى اسقار ءماميننىڭ جۋىرداعى ساپارى كەزىندە قۇنى 6 ميلليارد ا ق ش دوللارىن قۇرايتىن ينۆەستيتسيالىق جوبالاردى ىسكە اسىرۋ تۋرالى قول جەتكىزىلگەن ۋاعدالاستىقتاردى ەرەكشە اتاپ ءوتتى.

سونىمەن قاتار ەلباسى نۇرسۇلتان نازاربايەۆ پەن شەيح مانسۋر مادەنيەت جانە تۋريزم سالاسىنداعى ىنتىماقتاستىقتى دامىتۋ پەرسپەكتيۆالارىن تالقىلادى. سوڭىندا تاراپتار وڭىرلىك كۇن تارتىبىندەگى وزەكتى ماسەلەلەر جونىندە پىكىر الماستى.

سوڭعى جاڭالىقتار