وڭتۇستىك كورەيادا «قىز جىبەك» ميۋزيكلى ونلاين كورسەتىلدى
كورسەتىلىمى تەگۋ قالاسىنداعى حالىقارالىق ميۋزيكلدەر فەستيۆالى اياسىندا ءوتتى. كوروناۆيرۋس پاندەمياسىنا بايلانىستى شەتەل تەاترلارىنىڭ ارتىستەرى بۇل جولى كورەياعا كەلگەن جوق. 9 شەتەل تۋىندىسىن فەستيۆالدىڭ ينتەرنەت- ارناسىندا كورسەتتى. ال كورەيالىق 9 ميۋزيكل ساحنادا قويىلدى. الايدا زالداعى ورىنداردىڭ تەك جارتىسىنا وتىرۋعا رۇقسات ەتىلىپ، الەۋمەتتىك اراقاشىقتىق ساقتالدى. جاستار تەاترى وسىدان ەكى جىل بۇرىن تەگۋ قالاسىندا وسى قويىلىمىن كورسەتكەن بولاتىن. كورەرمەندەرگە بۇل ميۋزيكل وتە ۇناپ، ۇيىمداستىرۋشىلار ونى تاعى دا كورسەتۋدى شەشكەن.
پە سونگ حەك، تەگۋ قالاسى حالىقارالىق ميۋزيكلدەر فەستيۆالىنىڭ اتقارۋشى ديرەكتورى:
- ماعان «قىز جىبەك» ميۋزيكلى وتە ۇنادى. قازاقستان مەن وڭتۇستىك كورەيا حالىقتارىنىڭ جان تولعانىسى ۇقساس دەپ ويلايمىن. كەيىپكەرلەر اراسىنداعى ماحاببات سەزىمىن جاقسى كورسەتتى. قاسىرەتپەن اياقتالعان وقيعانى كورەرمەندەرگە شەبەر جەتكىزە الدى. قويىلىمنىڭ جەلىسى كورەيالىقتارعا ۇنايدى.