بوگدەنىڭ پاتەرىنە پورتال ارقىلى ادامداردى تۇراقتى تىركەگەن ەلوردالىق ۇستالدى
نۇر- سۇلتان قالالىق پوليتسيا دەپارتامەنتىنىڭ مالىمەتىنشە، شارانىڭ العاشقى كۇنىندە قۇقىق قورعاۋشىلار 8 كيبەرقىلمىستى اشكەرەلەپ، ولارعا قاتىسى بار 7 ادامدى ۇستادى. ماسەلەن، 12-قازاندا ەلوردا تۇرعىنى پوليتسياعا جۇگىنىپ، بەلگىسىز بىرەۋدىڭ «ەلەكتروندى ۇكىمەت» پورتالى ارقىلى پاتەرىنە بوگدە ادامداردى تىركەپ قوياتىندىعىنا شاعىم ءتۇسىردى. وسىدان كەيىن اقپاراتتىق جۇيەگە زاڭسىز ارالاسۋ فاكتىسى بويىنشا سوتقا دەيىنگى تەرگەۋ امالدارى باستالدى. IP- مەكەنجايمەن جەدەل ىزدەۋ شارالارى بارىسىندا پوليتسيا قىزمەتكەرلەرى شاعىمدانۋشىنىڭ اككاۋنتىنا زاڭسىز كىرىپ، اقشالاي سىياقىعا ازاماتتاردى تىركەپ وتىرعان 21 جاستاعى جۇمىسسىز جىگىتتى ۇستادى. كۇدىكتىدەن قىلمىستىق ارەكەتىن جۇزەگە اسىرعان كومپيۋتەر تاركىلەندى.
«سونىمەن قاتار بانك كارتاسىنان اقشا ۇرلاۋ كۇدىگىمەن ەلوردانىڭ 29 جانە 34 جاستاعى تۇرعىندارى ۇستالدى. كۇدىكتىلەر ءتۇرلى سىلتاۋمەن تانىستارىنىڭ بانك كارتالارىنىڭ رەكۆيزيتتەرىن الىپ، ينتەرنەت- بانكينگ ارقىلى اقشالارىن ۇرلاعان. ۇرلانعان اقشاسوماسى 385 مىڭ تەڭگەنى قۇرايدى. كۇدىكتىلەر بارلىق قاراجاتتى سپورتتىق باسەكە تىگىپ جىبەرگەن. ۇستالعاندارعا قاتىستى ق ر قىلمىستىق كودەكسى 188-بابى 2-تارماعى بويىنشا 2 قىلمىستىق ءىس تەرگەلىپ جاتىر»، - دەپ اتاپ وتەدى دەپارتامەنتتەن.
مۇنان بولەك، پوليتسيا قىزمەتكەرلەرى الەۋمەتتىك جەلى ارقىلى تانىسقان جىگىتتىڭ اتىنان زاڭسىز ونلاين نەسيە راسىمدەگەن 19 جاستاعى بويجەتكەندى قولعا ءتۇسىردى. كۇدىكتى زارداپ شەگۋشىنى الداپ، ونىڭ جەكە مالىمەتتەرىن العاننان كەيىن ينتەرنەت ارقىلى 150 مىڭ تەڭگە نەسيە راسىمدەگەن. سودان كەيىن اككاۋنتىن ءوشىرىپ تاستاعان. شاعىمدانۋشى كرەديت جايىندا كوللەكتور قوڭىراۋ شالعاندا عانا ءبىلىپ، پوليتسيا كومەگىنە جۇگىنگەن. سونداي- اق ەلوردا اۋماعىندا اۆتورلىق جانە ارالاس قۇقىقتى بۇزعانى، ارناۋلى تەحنيكالىق قۇرالداردى ساتقانى جانە پورنوگرافيالىق ماتەريالداردى تاراتقانى ءۇشىن 3 ادام ۇستالدى. اتالعان فاكتىلەر بويىنشا ق ر قىلمىستىق كودەكسىنىڭ 198، 399 جانە 311-باپتارىمەن سوتقا دەيىنگى تەرگەۋ جۇرگىزىلىپ جاتىر. قاجەتتى ساراپتامالار تاعايىندالدى.