باتىس قازاقستاندا جانازاعا بارعان اۋىل مۇعالىمىنەن كوروناۆيرۋس تابىلدى

ورال. قازاقپارات - باتىس قازاقستان وبلىسىندا ساداقاعا بارعان اۋىل مۇعالىمىنەن كوروناۆيرۋس تابىلدى، دەپ حابارلايدى قازاقپارات ءتىلشىسى.

ب ق و تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا اقجايىق اۋدانى بۋدارين اۋىلىندا بولدى. بۋدارين مەكتەپ- بوبەكجاي كەشەنىنىڭ ءمۇعالىمى حولەتسيستيت اۋرۋىمەن دارىگەرگە جۇگىنگەن كەزدە ونىڭ COVID-19 جۇقتىرعانى انىقتالدى. سودان كەيىن ءمۇعالىم جۇقپالى اۋرۋلار اۋرۋحاناسىنا جاتقىزىلدى.

ول وسىنىڭ الدىندا اقتوبە قالاسىنا ساداقاعا بارىپ كەلگەن. ۇيىندە جانە مەكتەپتە مۇعالىممەن قارىم- قاتىناستا بولعانداردان الىنعان سىناما تەرىس ناتيجە، ياعني كوروناۆيرۋستىڭ جوقتىعىن كورسەتتى. اۋداندىق باس مەملەكەتتىك سانيتار دارىگەرىنىڭ قاۋلىسىنا سايكەس 9-11-سىنىپ وقۋشىلارى قاشىقتان وقىتۋعا، ءۇي كارانتينىنە اۋىستىرىلعان. مەكتەپتە قورىتىندى دەزينفەكتسيا شارالارى جۇرگىزىلدى. وبلىستا وسى كەزگە دەيىن 6975 ادامنىڭ كوروناۆيرۋس جۇقتىرعانى بەلگىلى بولىپ، سونىڭ 6800 ءى جازىلىپ شىقتى.

سونىڭ ىشىندە ورال قالاسىندا - دەرتكە شالدىققان 3813، اقجايىق اۋدانىندا – 345، بوكەي ورداسىندا – 76، بورلىدە – 752، جاڭاقالادا – 140، جانىبەكتە – 202، بايتەرەكتە – 543، قازتالوۆتا – 233، قاراتوبەدە – 73، سىرىمدا – 239، تاسقالادا – 101، تەرەكتىدە – 326، شىڭعىرلاۋدا 132 ادام تىركەلدى. ىندەتتەن 117 ادام كوز جۇمدى.