قازاقستان مەن جاپونيا بىرلەسىپ تۇسىرگەن «بارىمتاشىلار» فيلمى فرانسيادا پروكاتقا شىعادى
«قازاقفيلم» كينوستۋدياسىنىڭ مالىمەتىنشە، كينوكارتينا بۋسان، توكيو، گيەتەبورگ، شاڭحاي جانە حەلسينكي كينوفەستيۆالدەرىنە قاتىسىپ ۇلگەردى جانە جاقىن ارادا Cottobus نەمىس كينوفەستيۆالى مەن تورونتوداعى ازيا كينوسىنىڭ ح ك ف كونكۋرسىندا كورسەتىلەتىن بولادى.
باستى رولدەردە كانن كينوفەستيۆالى جۇلدەسىنىڭ يەگەرى سامال ەسلياموۆا، تانىمال جاپون اكتەرى ميراي مورياما، قازاقستاندىق تەاتر جانە كينو اكتەرى دۋلىعا اقمولدا جانە جاس اكتەر ءمادي مەنايداروۆ وينادى.
ەستەرىڭىزگە سالا كەتسەك، «بارىمتاشىلار. ۋاقىت جولى» فيلمىنىڭ وندىرىسىنە قازاقستان تاراپىنان ش. ايمانوۆ اتىنداعى «قازاقفيلم» ا ق، جاپون تاراپىنان - «Tokyo New Cinema» كومپانياسى اتسالىسقان.
«بارىمتاشىلار. ۋاقىت جولى» فيلمى جىلقى باعۋمەن اينالىساتىن قاراپايىم وتباسى تۋرالى باياندايدى. ءبىر كۇنى جىلقى ءۇشىن ادام ولتىرۋدەن تايىنبايتىن بارىمتاشىلار وتاعاسىن ولتىرەدى. 12 جاسار ولجاس بارىمتاشىلاردىڭ قولىنان مەرت بولعان اكەسىنىڭ ولىمىنە قايعىرىپ، زۇلىمدىقپەن كۇرەسىپ، وتباسىنا تۇسكەن اۋىرتپالىقتى قارىنداستارىمەن بىرگە كوتەرەدى. قورعانسىز قالعان ولجاستىڭ وتباسىنا عايىپتان پايدا بولعان بوگدە بىرەۋ قولۇشىن سوزادى. «فيلمنىڭ سسەناريى قازاقستاندا بولعان شىنايى وقيعاعا نەگىزدەلگەن. جاقىندارىنان ايىرىلۋدىڭ قانداي قيىن ەكەنىن وسى وقيعا ارقىلى كينەماتوگرافيالىق تىلمەن جەتكىزگىم كەلدى»، - دەيدى رەجيسسەر ەرلان نۇرمۇحامبەتوۆ.