+7 (701) 759 90 19
-7 °С : نۇر-سۇلتان
-10 °С : الماتى
USD 428.07 EUR 507.61
RUB 5.62 CNY 65.15
جاڭالىقتار

ءسۇت بەزى قاتەرلى ىسىگى كەزىندە كوكىرەك اۋىرمايدى، سول سەبەپتى جىلىنا ءبىر رەت تەكسەرىلىپ تۇرۋ قاجەت -  دارىگەر- ماممولوگ

27 قازان 13:55
:ءبولىسۋ
ءسۇت بەزى قاتەرلى ىسىگى كەزىندە كوكىرەك اۋىرمايدى، سول سەبەپتى جىلىنا ءبىر رەت تەكسەرىلىپ تۇرۋ قاجەت -  دارىگەر- ماممولوگ

پەتروپاۆل. قازاقپارات - سولتۇستىك قازاقستان وبلىسىندا ءسۇت بەزىنىڭ قاتەرلى ىسىگى ونكولوگيالىق اۋرۋلار ىشىندە ءبىرىنشى ورىندا تۇر.

وتكەن توعىز ايدىڭ ىشىندە قاۋىپتى دەرت جاڭادان 151 ايەلدە انىقتالعان. وبلىستىق اۋرۋحانانىڭ ونكولوگيالىق ورتالىعىنىڭ ماممولوگ- دارىگەرى مايا توقسانوۆا قازاقپارات تىلشىسىنە سۇحبات بەرىپ، ءسۇت بەزىنىڭ وبىرىنا قاتىستى اقپاراتپەن ءبولىستى.

- مايا مارات قىزى، ءسۇت بەزى قاتەرلى ىسىگىنىڭ بەلگىلەرى بار ما؟

- ءسۇت بەزى قاتەرلى ىسىگىنىڭ بەلگىلەرى سىرت كوزگە اسا بايقالا بەرمەيدى. بۇل دەرت سونىسىمەن دە قاۋىپتى. ويتكەنى وبىردىڭ العاشى ەكى كەزەڭىندە كەۋدەدە ەش وزگەرىس بولماۋى مۇمكىن، ءتىپتى اۋىرمايدى دا. ال اسقىنعان سايىن كوكىرەكتە اسسيمەتريا پايدا بولادى. ءتوس تىعىزدالىپ، سۇيىقتىق ءبولىنۋى مۇمكىن. تەرىسى قابىرشاقتانىپ، اپەلسين قابىعىنا ۇقسايدى. ءسۇت بەزى وزدىگىنەن وتە سيرەك اۋىرادى. كوبىنە ول ەتەككىر كەلەر الدىندا جايسىزدىق تۋدىرۋى مۇمكىن. بۇل - قالىپتى جاعداي. ماعان پاتسيەنت كەلگەندە كەۋدەسىنىڭ قاي جەرى اۋىراتىنىن سۇرايمىن. ءسۇت بەزى كەۋدە قۋىسىندا ورنالاسقان، سول سەبەپتى توراكالگيانىڭ سالدارىنان كوكىرەگى اۋىرادى دەپ ويلايدى. ال ءسۇت بەزىنىڭ قاتەرلى ىسىگىندە كوكىرەك اۋىرمايدى. سوندىقتان تەكسەرىلۋگە كەلگەن سىرقاتتارعا وبىر بارلىعىن ايتقاندا، مەنىڭ ەش جەرىم اۋىرمايدى عوي دەپ تاڭ قالىپ جاتادى.

- قاي ۋاقىتتا دارىگەرگە كورىنگەن ءجون؟

- ەتەككىر باستالعاننان كەيىن 7-9 كۇنى دارىگەرگە كورىنۋ قاجەت. ىسىكتى تەك قانا ۋلترادىبىستىق زەرتتەۋ نەمەسە رەنتگەنولوگيالىق مامموگرافيا ارقىلى تابادى. ءبىراق ر م م اپپاراتىن 40 جاسقا دەيىن قولدانۋعا بولمايدى.

- ءسۇت بەزىنىڭ قاتەرلى ىسىگى نەگىزىنەن قاي جاستان كەيىن پايدا بولۋى مۇمكىن؟

- اۋرۋ ورتا جاستان اسقان ايەلدەردە، ياعني 55-60 جاستان كەيىن تابىلادى. ءبىراق سوڭعى كەزدە جاس قىز- كەلىنشەكتەر دە اۋىراتىن بولعان. 30-45 جاس ارالىعىنداعى ايەلدەرگە دە وسى دياگنوز قويىلاتىن بولعان. ولار بارلىق تىركەلەتىن سىرقاتتاردىڭ %7 قۇرايدى. ءسۇت بەزى قاتەرلى ىسىگى جاستاردا بولعان جاعدايدا ونى كوبىنەسە ايەل ءوزى انىقتايدى. سونداي-اق mts تۇيىندەر قولتىق استىندا پايدا بولادى. تاعى ءبىر ەرەكشەلىگى نەگىزىنەن وبىردىڭ اگرەسسيۆتى ءتۇرى داميدى.

- كەۋدەگە يمپلانت قويۋ وبىردىڭ پايدا بولۋىنا اسەر ەتەدى مە؟

- جوق، بۇل عىلىمي تۇردە دالەلدەندى. ءبىراق ۋدز، م م گ دياگنوستيكادان ۇنەمى ءوتىپ تۇرۋ قاجەت. بۇل ەكەۋى ەكى ءتۇرلى زەرتتەۋ بولعانىمەن، ءبىر-ءبىرىن جاقسى تولىقتىرادى. ءبىراق يمپلانت قويدىرۋ باسقا اۋرۋدىڭ پايدا بولۋىنا اسەر ەتۋى مۇمكىن. ول - اناپلاستيكالىق ءىرى جاسۋشالى ليمفوما. ال فيبروادەنوما انىقتالسا، ونى بۇگىندە 2 س م اسپايىنشا المايدى. بۇل قاتەرسىز ىسىك.

- ماستوپاتيا دەگەن نە؟

- بۇل پوستكەڭەستىك دارىگەرلەردىڭ سۇيىكتى تەرمينى دەپ ايتار ەدىم. ويتكەنى شىندىعىنا كەلگەندە ماستوپاتيا دەگەن دياگنوز جوق. ءسۇت بەزى - گورمونعا تاۋەلدى ورگان. گورموندىق فونداعى وزگەرىس وعان اسەر ەتىپ، اۋىرۋى مۇمكىن. ماسەلەن، قالقانشا بەز، گيپوفيز ادەنوماسى، گينەكولوگيالىق اۋرۋلارعا بايلانىستى. سول سەبەپتى تەك قانا ءسۇت بەزىن ەمدەۋدىڭ ناتيجەسى شامالى. نەگىزگى اۋرۋدى انىقتاۋ قاجەت، ال ءسۇت بەزىنىڭ اۋىرعانىن جەڭىلدەتۋ ءۇشىن جاقپا مايلاردى پايدالانۋعا بولادى. كەلگەن سىرقاتتاردى ەندوكرينولوگ پەن نيەۆروپاتولوگكە كەڭەس الۋعا جىبەرەتىنىم دە سوندىقتان.

- ءسۇت بەزى قاتەرلى ىسىگى بارلارعا بالا تۋۋعا بولا ما؟

- الدىندا ايتىپ كەتكەنىمدەي، جاس كەلىنشەكتەردە دە وبىردىڭ بۇل ءتۇرى انىقتالاتىن بولعان. كەيدە جۇكتى ايەلدەردە انىقتالىپ جاتادى. ءبىراق، قورقۋدىڭ قاجەتى جوق. ەمدەۋ بارىسىندا ايەلدىڭ جاعدايى ەسكەرىلىپ، بالاعا زيان تيمەيتىن جولدارى تاڭدالادى. ءسۇت بەزى قاتەرلى ىسىگىنەن ەمدەلىپ شىققاننان كەيىن بالا سۇيەتىندەر بار. 5 جىلدان كەيىن جۇكتى بولسا قايتالانۋ تاۋەكەلى كەميدى.

- قاۋىپتى اۋرۋدىڭ الدىن الۋعا بولا ما؟

- ءسۇت بەزى قاتەرلى ىسىگىنىڭ پايدا بولۋىنا كوپ نارسە اسەر ەتۋى مۇمكىن، ونىڭ ناقتى سەبەبى جوق. ءبىراق ءبىز دۇرىس تاماقتانۋ ارقىلى، ياعني جەمىس- جيدەكتى كوبىرەك جەۋ ارقىلى كوپتەگەن اۋرۋمەن كۇرەسە الامىز. تەمەكىدەن باس تارتىپ، سپيرتتىك ىشىمدىكتەردى ازايتقان دۇرىس. سپورتپەن شۇعىلدانۋ قاجەت. ايەل ۋاقىتىندا بالا تۋىپ، بارىنشا ۇزاق ەمىزگەنى دۇرىس. 40 جاستان اسقاننان كەيىن جىلىنا ءبىر رەت ۋدز جانە ەكى جىلدا ءبىر رەت ممگ جاساۋعا كەڭەس بەرەمىن.

- اڭگىمەڭىزگە راحمەت!

اۆتور: اقەركە داۋرەنبەك قىزى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات