12:38, 27 - قازان 2020 | GMT +6
بىشكەك مەرى مىندەتىن اتقارۋشى ءۇش اپتادا التىنشى رەت اۋىسپاق
نۇر-سۇلتان. قازاقپارات - بىشكەك مەرى مىندەتىن اتقارۋشى ءۇش اپتادا التىنشى رەت اۋىسپاق. قىرعىزستاننىڭ ىستىقكول وبلىسىنىڭ ەكس-گۋبەرناتورى بالباق تۋلوبايەۆ جاڭا قالا باسشىسى بولادى.
وسىعان دەيىن ناريمان تولەيەۆ، وسى قىزمەتتەن كەتەتىنىن مالىمدەگەن بولاتىن، - دەپ حابارلايدى ريا نوۆوستي.
«جاڭا عانا مەر مىندەتىن اتقارۋشى بالباق تۋلوبايەۆپەن كەلىسسوز جۇرگىزدىم، بۇل شىنىمەن دە بىشكەك قالاسى مەرياسى ءۇشىن جاقسى نۇسقا»، - دەپ جازدى بىشكەك مەرىنىڭ بۇرىنعى مىندەتىن اتقارۋشى.
دەرەككوز مالىمەتىنشە، بۇل سوڭعى ءۇش اپتادا بىشكەك مەرى مىندەتىن اتقارۋشىنىڭ التىنشى رەت اۋىسۋى. وسى قىزمەتتى ەكى جىلدەيىن اتقارعان ازيز سۋراكماتوۆ 6-قازانداعى جاپپاي تارتىپسىزدىككە باليانىستى وتستاۆكاعا كەتۋ تۋرالى ءوتىنىش جازعان بولاتىن، كەيىن ونىڭ مىندەتىن «حالىق مەرى» جووشبەك كوەناليەۆ اتقاردى. سودان كەيىن 7-قازاندا اكىم قايتادان اۋىستىرىلدى، اكىمنىڭ مىندەتتەرى ءبىرىنشى ۆيتسە-مەر الماز باكەتايەۆقا ءوتتى.