عالىمدار جاپونداردىڭ ۇزاق ءومىر ءسۇرۋىنىڭ قۇپياسىن اشتى

نۇر-سۇلتان. قازاقپارات - ءداستۇرلى جاپون ماتچا شايى دەنەنىڭ قارتايۋىن باسەڭدەتىپ، ءبىرقاتار اۋرۋلاردىڭ دامۋىنا جول بەرمەيدى.

بۇل تۋرالى 26- قازاندا Express باسىلىمى جازدى، دەپ حابارلايدى قازاقپارات.

ماقالا اۆتورلارى دۇنيەجۇزىلىك دەنساۋلىق ساقتاۋ ۇيىمىنا سىلتەمە جاساي وتىرىپ، جاپونيا حالقىنىڭ ديەتانى ساقتاۋىنا جانە ەرەكشە سۋسىن ىشەتىن ادەتتەرىنە بايلانىستى ءومىر ءسۇرۋ ۇزاقتىعى ەڭ جوعارى ەكەنىن اتاپ وتكەن.

ال، ولاردىڭ سۇيىكتى سۋسىنى - ماتچا شايى. بۇل باسقا شايلاردان ەرەكشە. ماتچا شايى - اشىق- جاسىل ءتۇستى ۇنتاق. سۋسىننىڭ قۇرامىندا A، B، C، E دارۋمەندەرى، سونىمەن قاتار ۇزاق ءومىر سۇرۋگە ىقپال ەتەتىن تاعامدىق تالشىقتار، مىرىش، كالي، كالتسي، ناتري جانە تەمىر بار.

بۇدان بولەك عالىمدار ءداستۇرلى سۋسىن حولەستەرين مەن قاننىڭ قۇرامىنداعى قانت دەڭگەيىن تۇسىرەتىنىن، يممۋندىق جۇيەنى نىعايتاتىنىن، قاتەرلى ىسىكتىڭ، ديابەت پەن سەمىزدىكتىڭ دامۋ قاۋپىن بولدىرمايتىنىن انىقتادى.