استانا كوشەلەرىنە قانداي مۋرالدار كورىك بەرىپ تۇر؟

None
None
نۇر-سۇلتان. قازاقپارات - تۇرعىن ۇيلەر مەن قوعامدىق ورىنداردا بەينەلەنگەن مۋرالدار ەلوردانىڭ كەلبەتىن اشىپ، جارقىن بوياۋلارمەن، ءتۇرلى كومپوزيتسيالارمەن كورىك بەرىپ تۇر.

نۇر-سۇلتان كوشەلەرىندەگى ارت-ونەر گالەرەياسى قازاقستاندىق جانە شەتەلدىك سۋرەتشىلەردىڭ تۋىندىلارىنا اسا باي. قالاداعى ەرەكشە مۋرالدارعا ەلوردا اكىمدىگىنىڭ رەسمي سايتى شولۋ جاساعان، دەپ حابارلايدى قازاقپارات.

«عارىش ورتاسى» مۋرالى - وسى جازدا قابانباي باتىر داڭعىلىنداعى دوڭگەلەك الاڭنىڭ كوپىر استىنداعى اۋماعىندا پايدا بولدى. جۇمباق عالام، زەرتتەلمەگەن پلانەتالار مەن عارىشتىق دەنەلەر بۇل جەرگە ەرەكشە اتموسفەرا سىيلايدى.

قازاقتىڭ ۇلى اقىنى ابايدىڭ پورترەتى اباي داڭعىلىندا ورنالاسقان كوپقاباتتى ءۇيدىڭ ءسانىن كەلتىرىپ تۇر.

بۇل جۇمىس اقىننىڭ 175 جىلدىعىنا وراي بايقوڭىر اكىمدىگىنىڭ قولداۋىمەن سالىندى.

كوروناۆيرۋسپەن كۇرەستە الدىڭعى شەپتە جۇرگەن مەديتسينا قىزمەتكەرلەرىنە ارنالعان «ءبىز بىرگەمىز» مۋرالى.

كومپوزيتسيا سارىارقا جانە جانگەلدين كوشەلەرىنىڭ قيىلىسىنداعى كوپقاباتتى ءۇيدىڭ قابىرعاسىندا بەينەلەنگەن.

ەلورداداعى تۇرعىن ۇيلەردىڭ بىرىندە ورىندالعان «يلليۋستراتسيا» كەيىپكەرلەر گالەرەياسىن سۋرەتشى الەكساندرا كالاچيەۆا 2018-جىلى Urban Fest Astana اياسىندا سالعان.

سۋرەتتەردە قالا تۇرعىندارىنىڭ كۇندەلىكتى ءومىرى بەينەلەنگەن.

ازەربايجاندىق سۋرەتشى سامير سالاحوۆتىڭ «دالاداعى ءتۇس» ستريت-ارتىندا (مولداعۇلوۆا كوشەسىندەگى ۇيدە) بارىس پەن اقبوكەن بەينەلەنگەن.

ەسەنبەرلين كوشەسىندەگى ۇيدە Zmogk-تىڭ «تاريح» مۋرالى ورنالاسقان. بۇل مۋرالدىڭ جارقىن تۇستەرى كوز تارتادى. سۋرەتتە تاريحي وقيعالاردى قاعازعا ءتۇسىرىپ وتىرعان قىزدى كورۋگە بولادى.

ەۆگەني Ches- ءتىڭ «تابيعات تاقىرىبىنداعى كوللاجى» بەتون ۇيلەر، شىنى عيماراتتارمەن استاسقان قالالىق كورىنىسكە تابيعات موتيۆتەرىن ارالاستىرادى.

سوڭعى جاڭالىقتار