كەنتاۋدا اۋىل تۇرعىنى اۋلاسىندا تۇيەقۇس ءوسىرىپ وتىر
بۇگىنگى تاڭدا قۇستىڭ سانى بالاپاندارىمەن قوسقاندا 19 عا جەتكەن. شارۋا قۇستىڭ تۇقىمىن كوبەيتىپ، ونى كاسىپ كوزىنە اينالدىرىپ وتىر. اۋلاسىنا ارنايى قورشاۋ جاساتىپ، سول جەردە باعادى.
«بۇل - وتە پايدالى قۇس. ەتى دەليكاتەس. قاۋىرسىنى دا ەمگە داۋا. جۇمىرتقاسى باعالى، كورىنىسى دە اسەم»- دەيدى شارۋا ءنالىپان مىرزاقۇلوۆ.
اتالمىش تۇيەقۇس - اۆستراليالىق تۇقىم. ولاردىڭ جۇمىرتقاسى ەرەكشە قارا ءتۇستى بولادى. ال، افريكالىق تۇيەقۇستىڭ جۇمىرتقاسى اق بولىپ كەلەدى. بۇل قۇستى قولعا ۇيرەتۋ اسا قيىن شارۋا ەمەس. تەز جەرسىنەدى. ءشول جەرلەردە دە ءتوزىمدى. جەمشوبى ۋاقىتىلى بەرىلىپ وتىرسا، پايداسى - كول- كوسىر. جۇمىرتقاسىنىڭ 1 داناسى - 5-10 مىڭ تەڭگە شاماسىندا. ەتىندە حولەستەرين جوق. جۇرەك اۋرۋىنا پايدالى. بۇل قۇس 40-50 -جىلدان استام ءومىر سۇرەدى. شارۋاسىن دوڭگەلەتىپ وتىرعان كاسىپكەر الداعى ۋاقىتتا قۇستىڭ باسىن كوبەيتۋدى جوسپارلاپ وتىر.
