عالىمدار پاندەميانىڭ كۇتپەگەن سالدارىن اتادى

نۇر-سۇلتان. قازاقپارات - پاندەميادان كەيىن قوعامدا ۇلكەن وزگەرىستەر بولىپ، گەندەرلىك تەڭسىزدىك ارتىپ، تۋۋ كوەففيتسيەنتى تومەندەيدى.

بۇل تۇجىرىمدى ا ق ش- تىڭ كوپسالالى ساراپشىلار توبى ايتتى.

ماماندار 90 زەرتتەۋ جۇرگىزدى، وندا مىنەز- قۇلىق عىلىمى، ەكونوميكا، ەۆوليۋتسيالىق بيولوگيا، مەديتسينا جانە نەيروبيولوگيا سالاسىنداعى بىلىمدەرىن قولداندى.

زەرتتەۋشىلەر پاندەميا ۇعىمىن الەۋمەتتىك ەكسپەريمەنتپەن سالىستىردى، ونىڭ سالدارى تۋۋدىڭ تومەندەۋىنە اكەلەدى، بۇل ءوز كەزەگىندە بولاشاقتا مەملەكەتتەردىڭ ەكونوميكاسى مەن الەۋمەتتىك كەپىلدىكتەرىنە اسەر ەتەدى.

سونداي- اق، پاندەميانىڭ سالدارىنىڭ ءبىرى الەۋمەتتىك بايلانىستاردىڭ بۇزىلۋى بولۋى مۇمكىن. وقشاۋلانۋ جاعدايىندا ۆيدەومەن تابىسقان جۇپتاردىڭ ءبىر- بىرىنەن كوڭىلى قالۋى مۇمكىن، ويتكەنى جەلىدەگى قارىم- قاتىناس سەرىكتەستەردى يدەالداندىرادى.

ماقالا اۆتورى جانە كاليفورنيا ۋنيۆەرسيتەتىنىڭ پسيحولوگى مارتي حازەلتون ادامداردىڭ وتباسىدان گورى جالعىزدىقتى كوبىرەك قالايتىنىن ايتادى.

سونىمەن قاتار، عالىمدار ۇزاق ۋاقىت وقشاۋلانۋ گەندەرلىك تەڭسىزدىكتىڭ وسۋىنە اكەلۋى مۇمكىن دەپ سانايدى. ويتكەنى، قوسىمشا ءۇي جۇمىستارى كوبىنەسە ايەلدەردىڭ يىعىنا تۇسەدى. سايىپ كەلگەندە، ايەلدەردىڭ جۇبايىنا ماتەريالدىق تاۋەلدىلىگى ارتادى.

Stan.kz