تۇركىستان- ارەنا ستاديونىندا العاشقى ويىن ءوتتى

تۇركىستان. قازاقپارات - تۇركىستان قالاسىندا سالىنعان «تۇركىستان- ارەنا» ستاديونىندا العاشقى ويىن ءوتتى، دەپ حابارلايدى قازاقپارات تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

فۋتبول باسەكەسى تۇركىستان وبلىسىنىڭ 2007-2008 -جىلعى جاسوسپىرىمدەر اراسىندا ءوربىدى. تارتىستى وتكەن جولداستىق كەزدەسۋدە جاس جەتكىنشەكتەر بار شەبەرلىگىن ورتاعا سالدى. ويىننىڭ نەگىزگى ماقساتى - الداعى قازاقستان رەسپۋبليكاسىنىڭ چەمپيوناتىنا قۇرامانى جاساقتاۋ. ەندى جاڭا ارەنانىڭ شىمىلدىعىن اشقان تۇركىستاندىق اياق دوپ شەبەرلەرى ەل چەمپيوناتىندا ۇزدىكتەر قاتارىنان كورىنۋدى جوسپارلاپ وتىر. وبلىستىق دەنە شىنىقتىرۋ جانە سپورت باسقارماسىنا قاراستى «تۇركىستان- ارەنا» ورتالىق ستاديونى 7 مىڭ ورىنعا ارنالعان.

الىپ كەشەندە سپورتتىڭ ءار باعىتى بويىنشا جەكە- جەكە زالى بار. «سامرۇق قازىنا» ۇ ءا ق اق تۇركىستانعا تارتۋ ەتكەن ستاديوننىڭ نەگىزى فۋتبول الاڭىنان، جەڭىل اتلەتيكاعا ارنالعان جابىق ارەنادان تۇرادى. اكروباتيكا، بوكس، اۋىر اتلەتيكا، سپورتتىق گيمناستيكا جانە يوگا زالدارى تولىق تالاپتارعا ساي جاساقتالعان. بۇل جەردە الدا فۋتبولدان قازاقستان رەسپۋبليكاسى چەمپيوناتىنىڭ پرەمەر ليگا، ءبىرىنشى جانە ەكىنشى ليگا كوماندالارىنىڭ ويىندارى مەن باسقارمانىڭ جىلدىق كۇنتىزبەلىك جوسپارىنا سايكەس، سپورت تۇرلەرىنەن (فۋتبول، جەڭىل اتلەتيكا، ۇستەل تەننيسى، ساداق اتۋ) جاس ەرەكشىلىكتەرى بويىنشا وبلىس قۇراماسىنىڭ وقۋ- جاتتىعۋ جيىندارى جانە وبلىستىق، رەسپۋبليكالىق جانە حالىقارالىق جارىستار جوسپارعا سايكەس وتكىزىلەدى.