كوروناۆيرۋسپەن كۇرەس: كيپر قازاقستانعا گۋمانيتارلىق كومەك كورسەتىپ وتىر
سالماعى 500 كەلىدەي جۇك 9000 نان استام ءدارى- دارمەك پەن 50000 ماسكادان تۇرادى. گۋمانيتارلىق كومەك دەنساۋلىق ساقتاۋ مينيسترلىگىمەن كەلىسىم بويىنشا قازاقستان ايماقتارىنا تاراتۋ ءۇشىن ءبىرىڭعاي ديستريبيۋتور سانالاتىن س ق «فارماتسيا» كومپانياسىنىڭ قاراماعىنا ءتۇستى. بۇل ىقپالداستىق كوروناۆيرۋستىڭ تارالۋىن بولدىرماۋ ماقساتىندا بىرلەسكەن كۇش- جىگەر اياسىندا جۇزەگە اسىرىلدى.
كورسەتىلگەن كومەك قازاقستان مەن كيپر اراسىنداعى ءداستۇرلى دوستىق قاتىناستاردى، سونداي- اق پاندەمياعا قارسى حالىقارالىق كۇش- جىگەردەگى ىنتىماقتاستىقتى ايقىن كورسەتەدى. ايتا كەتەيىك، Remedica - كيپردە ورنالاسقان جەتەكشى فارماتسيەۆتيكالىق كومپانيا جانە ونىڭ ونىمدەرى الەمنىڭ 160 تان استام ەلدەرىندە تاراتىلادى. كومپانيا ازاماتتارعا ارنالعان ساپالى، قاۋىپسىز جانە ءتيىمدى فارماتسيەۆتيكالىق ونىمدەردى ازىرلەۋ، ءوندىرۋ جانە ساتۋ ىسىنە ماماندانعان. قازىرگى ۋاقىتتا فارماتسيەۆتيكالىق ۇيىمنىڭ ەۋروپالىق وداققا مۇشە مەملەكەتتەر مەن ءبىرقاتار الەمدىك جەتەكشى ەلدەردىڭ دەنساۋلىق ساقتاۋ ورگاندارى ماقۇلداعان 5 زاماناۋي زاۋىتى بار.