قازاقستاننىڭ قىتايعا ەت ەكسپورتىن ارتتىرۋى: ەل ىشىندە ەت قىمباتتاپ كەتپەي مە

نۇر- سۇلتان. قازاقپارات - ساۋدا جانە ينتەگراتسيا ءمينيسترى باقىت سۇلتانوۆ قىتايعا ەت تاسىمالداۋعا بايلانىستى ازاماتتاردىڭ الاڭداۋشىلىعىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتىندە مينيسترگە جۋرناليستەر قازاقستاننىڭ قىتايعا ەت ەكسپورتىن ارتتىرۋىنا قاتىستى سۇراق قويدى. وسى ماسەلەگە بايلانىستى ازاماتتار الەۋمەتتىك جەلىلەر ارقىلى ءوزىنىڭ قاۋپىن ءبىلدىرىپ، جەكەلەگەن ايماقتاردا ەت باعاسىنىڭ كوتەرىلىپ كەتۋىنە اپارىپ سوقتىرۋى مۇمكىن.

«ءونىمدى ەكسپورتتاۋ - كەشەندى تاپسىرما. ءبىز ەكسپورتتىق اكسەلەراتسيا باعدارلاماسىن ىسكە اسىرىپ جاتىرمىز. البەتتە ءونىمدى ەكسپورتقا شىعارماس بۇرىن ءوز ەلىمىزدىڭ ىشىندە دە ءبىرشاما ءىس تىندىرۋ كەرەك. جالپى ەكسپورت تۋرالى ايتار بولساق، ءونىمنىڭ كەز كەلگەن ءتۇرى بويىنشا ءبىز ىشكى قاجەتتىلىكتى قاناعاتتاندىرىپ الۋىمىز كەرەك. سودان ارتىلعان ءونىم عانا سىرتقا شىعارىلادى»، - دەدى باقىت سۇلتانوۆ.

ءمينيستردىڭ ايتۋىنشا ەت بويىنشا قازاقستاننىڭ شارۋالارى ىشكى نارىقتى تولىعىمەن قامتاماسىز ەتىپ وتىر.

«ءبىز ەت ەكسپورتىنا، ونىڭ ىشىندە وڭدەپ جىبەرۋگە باسا ءمان بەرۋىمىز كەرەك. مىسالمەن كەلتىرىپ ايتسام: ءبىز 7-دەن 13 كەلىگە دەيىنگى بيدايدى ءبىر دوللارعا ساتۋىمىز مۇمكىن. ال ولار ءبىر كەلى بيدايدى وڭدەلسە، ارى قاراي 2-2,5 دوللارعا ساتىلۋى ىقتيمال»، - دەدى باقىت سۇلتانوۆ.