16:28, 26 - قازان 2020 | GMT +6
قىرعىزستان پرەزيدەنتىنىڭ مىندەتىن اتقارۋشى سادىر جاپاروۆ قىزمەتىنەن كەتەدى
بىشكەك. كابار. قازاقپارات - پرەزيدەنتتىڭ مىندەتىن اتقارۋشى، پرەمەر- مينيستر سادىر جاپاروۆ پرەزيدەنت سايلاۋىنا قاتىسادى. بۇل تۋرالى جاپاروۆ كوچكور اۋدانىنا جۇمىس ساپارى بارىسىندا حابارلادى، دەپ جازادى قازاقپارات كابار اگەنتتىگىنە سىلتەمە جاساپ.
ءوزىنىڭ ايتۋىنشا، ول جەلتوقسان ايىنىڭ باسىندا پرەزيدەنت سايلاۋىنا قاتىسۋ ماقساتىندا مەملەكەت باسشىسىنىڭ مىندەتىن اتقارۋشى لاۋازىمىنان كەتەدى.
«مەن باسقالارمەن بىرگە سايلاۋعا قاتىسامىن. ەگەر حالىق مەنى تاڭداسا، پرەزيدەنت بولامىن، ال ەگەر سايلاۋدا جەڭىسكە جەتپەسەم، قاتارداعى ازامات بولىپ قالا بەرەمىن»، - دەدى سادىر جاپاروۆ.
قىرعىزستان پرەزيدەنتىن سايلاۋ 2021 -جىلدىڭ 10- قاڭتارىنا بەلگىلەنگەن.
اۆتور: گۇلزات اقجولوۆا