تالدىقورعان پوليتسياسى وق اتقان بۇزاقىنى ءىزىن سۋىتپاي ۇستادى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، تالدىقورعان قالاسى پ ب شىعىس ق پ ب كەزەكشى بولىمىنە قاراتال شاعىناۋدانىندا توبەلەس شىققاندىعى تۋرالى حابارلاما كەلىپ ءتۇستى.
وقيعا ورنىنا شۇعىل جەتكەن پوليتسيا جاساعى جاستاردىڭ ەكى توبى اراسىندا توبەلەس بولعانىن انىقتادى. باسىنان وق جاراقاتىن العان 21 جاستاعى جەرگىلىكتى تۇرعىن اۋرۋحاناعا تۇسكەن. اتالعان دەرەك ق ر ق ك 293-بابىننىڭ 3-بولىگى 2-تارماعى بويىنشا تىركەلدى. جۇرگىزىلگەن جەدەل- ىزدەستىرۋ ءىس-شارالارىنىڭ ناتيجەسىندە، شىعىس ق پ ب ك پ ب قىزمەتكەرلەرى ءبىر ساعاتتىڭ ىشىندە وق اتقان كۇدىكتىنى انىقتاپ، ۇستادى.
18 جاستاعى تالدىقورعان قالاسىنىڭ تۇرعىنىنان ءتارتىپ ساقشىلارى پنەۆماتيكالىق تاپانشانى تاركىلەدى. ول كىناسىن مويىندادى. ۇستالعان ادام وقتى بۇزاقىلىق نيەتپەن اتقانىن جانە وعان قاتتى وكىنەتىنىن جەتكىزدى. وبلىستىق اۋرۋحانادا دارىگەرلەر جابىرلەنۋشىنىڭ باسىنان ءتورت وق العان. سوت- مەديتسينالىق جانە باسقا دا قاجەتتى ساراپتامالار تاعايىندالدى.
اۆتور: سامال قابىشەۆا