شاعىن نەسيە بەرۋ ءتارتىبى وزگەردى

الماتى. قازاقپارات - قارجى رەتتەۋشىسى شاعىن نەسيە ۇيىمدارىنىڭ جۇمىسىنا جاڭا ءتارتىپ ەنگىزدى، دەپ حابارلايدى قازاقپارات ءتىلشىسى.

ەندى قارجىلىق ۇيىم مەن كليەنت اراسىنداعى سوتقا دەيىنگى رەتتەۋ پروتسەدۋراسى قولعا الىنادى.

«ميكروقارجىلىق ۇيىم ەندىگى كەزەكتە تولەنەتىن نەسيە مەرزىمى ءوتىپ بارا جاتقانىن 15 كۇن بۇرىن قۇلاقتاندىرۋعا مىندەتتەلەدى. قارىز الۋشى ۇيىمعا كەلىپ 30 كۇنتىزبەلىك كۇن ىشىندە تولەنبەگەن نەسيەسىن رەتتەۋگە ءوتىنىم بەرە الادى»، - دەدى قارجىلىق نارىقتى دامىتۋ جانە رەتتەۋ اگەنتتىگىنەن.

قارىز الۋشىدان جاۋاپ بولماعان جاعدايدا شاعىن نەسيە ۇيىمى بورىشكەردەن نوتاريۋستىڭ اتقارۋ جازباسىمەن بورىشتى وندىرۋگە قۇقىلى. جاڭا وزگەرىستەر نەسيەنى راسىمدەۋدى جەڭىلدەتتى. ەندى راسىمدەۋ كەزىندە نەسيەنى تولەۋ گرافيگىندە قوسىمشا اقپارات جاريالاناتىن بولادى.

جاڭا ەرەجەلەرگە سايكەس، كەلىسىمشارتتىڭ تيتۋلدى بەتىندە كەلىسىم شارت ۋاقىتى، شاعىن نەسيە سوماسى، پايىزدىق مولشەرلەمەسى، تاعى باسقا شارتتارى جازىلادى. تولىعىراق اقپاراتتى مىنا سىلتەمە ارقىلى بىلۋگە بولادى .