پارلامەنت اپپاراتىنا جاڭا باسشى تاعايىندالدى
وندا پالاتانىڭ الداعى جالپى وتىرىسى كۇن ءتارتىبىنىڭ جوباسى ناقتىلاندى، دەپ حابارلايدى قازاقپارات تومەنگى پالاتانىڭ باسپا ءسوز قىزمەتىنە سىلتەمە جاساپ.
ءماجىلىس الداعى جالپى وتىرىستا ەكولوگيالىق زاڭناما سالاسىنداعى زاڭ جوبالارىنىڭ توپتاماسىن قارايدى. دەپۋتاتتار ءبىرىنشى وقىلىمدا ەكولوگيالىق كودەكستىڭ جوباسىن ىلەسپە تۇزەتۋلەرمەن، اكىمشىلىك قۇقىق بۇزۋشىلىق تۋرالى ەكولوگيا ماسەلەلەرى بويىنشا كودەكستى زاڭنامالىق وزگەرتۋلەرمەن، سونداي-اق سالىق كودەكسىنە جانە ەكولوگيا ماسەلەلەرى بويىنشا ونى قولدانىسقا ەنگىزۋ تۋرالى زاڭعا تۇزەتۋلەردى تالقىلايدى.
ءبىرىنشى وقىلىمدا دەپۋتاتتارعا بيۋدجەت زاڭناماسىن جەتىلدىرۋ ماسەلەلەرى بويىنشا زاڭنامالىق تۇزەتۋلەر جوباسىن قاراۋ ۇسىنىلادى. سونداي-اق، وڭىرلەردىڭ اكىمشىلىك- اۋماقتىق قۇرىلىسىن جەتىلدىرۋگە قاتىستى زاڭنامالىق جاڭالىقتار دا ەنگىزىلەدى.
بۇدان باسقا، پالاتا قالدىقتاردى ەنەرگەتيكالىق كادەگە جاراتۋ، سۋ قورعاۋ بەلدەۋلەرى جانە جۇكتەردى تەمىرجول كولىگىمەن تاسىمالداۋ ماسەلەلەرى بويىنشا زاڭنامالىق تۇزەتۋلەر جوباسىنا سەنات ەنگىزگەن وزگەرىستەر مەن تولىقتىرۋلاردى قارايدى. جالپى وتىرىستا پالاتا بەيىندى كوميتەتتەرى ءبىرقاتار جاڭا زاڭ جوبالارىن جۇمىسقا الدى.
اتاپ ايتقاندا، ە ا ە و شەڭبەرىندەگى اينالىسىنىڭ ءتارتىبى جانە مۇنداي ءونىمنىڭ قاۋىپسىزدىگىن قامتاماسىز ەتۋ قاعيدالارى تۋرالى كەلىسىم. سونداي-اق، ت م د-عا قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمگە تۇزەتۋ ەنگىزەتىن زاڭ جوباسى بار.
سونىمەن قاتار بيۋرو وتىرىسىندا ءماجىلىس ءتوراعاسى نۇرلان نىعماتۋلين پالاتا اپپاراتىنىڭ جاڭا باسشىسى داستان ماحايەۆتى تانىستىردى. ول بۇعان دەيىن ق ر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى ءتوراعاسىنىڭ ورىنباسارى قىزمەتىن اتقارعان.