پوليتسيا قىزمەتكەرىنە قول كوتەرگەن ادام ۇستالدى

الماتى. قازاقپارات - الماتىدا اربات الاڭىندا پوليتسيا قىزمەتكەرلەرى بۇزاقىنى ۇستادى، دەپ حابارلايدى قازاقپارات ءتىلشىسى.

بۇل ۆيدەو الەۋمەتتىك جەلىدە تارالعان بولاتىن. بەينەكادردا پوليتسيا قىزمەتكەرلەرى قارسىلاسقان ەر ادامنىڭ قولىن بۇراپ جاتىر. قالالىق پ د حابارلاۋىنشا، وقيعا اربات الاڭىندا كەشكى 19:00 شاماسىندا بولعان.

«سول جەردە قىزمەتىن وتەپ جۇرگەن پوليتسيا قىزمەتكەرلەرىنە تۇرعىندار كوشەدە ماس ادامنىڭ مازالارىن العاندارىن ايتىپ، شاعىمدانعان. ءتارتىپ ساقشىسى باستاپقىدا وعان اۋىزشا ەسكەرتۋ جاساعان. الايدا دورەكىلىك تانىتقان سوڭ، پوليتسيا قىزمەتكەرلەرى ونى ۇستاپ باسقارماعا اپارماق بولعان. سول كەزدە ەر ادام پوليتسەيلەردىڭ ءبىرىنىڭ بەتىنەن ۇرعان»، - دەدى پوليتسيا دەپارتامەنتىنەن.

ق ر ق ك 380-بابىنىڭ 1-بولىمىمەن سوتقا دەيىنگى تەرگەۋ ءىسى تىركەلدى. ءتارتىپ بۇزۋشى ۋاقىتشا وقشاۋلاۋ ورنىنا قامالدى. ول بۇعان دەيىن توناۋشىلىق بويىنشا بىرنەشە رەت قىلمىستىق جاۋاپكەرشىلىككە تارتىلعان 25 جاستاعى الماتى وبلىسىنىڭ تۇرعىنى بولىپ شىقتى.