قارجى پيراميدالارىنىڭ قۇرباندارى جەرگىلىكتى پوليتسياعا شاعىمدانا الادى

None
None
نۇر-سۇلتان. قازاقپارات – ق ر ىشكى ىستەر مينيسترلىگى «Questra Holding ins» ،«Questra World» ،«Atlantic Global Asset Management» ،«five Winds Asset Managent» قارجى پيراميدالارى بويىنشا تەرگەۋدى جالعاستىرۋدا.

بۇل تۋرالى ق ر ءى ءى م رەسمي وكىلى نۇردىلدا وراز ايتتى، دەپ حابارلايدى قازاقپارات ءتىلشىسى. ونىڭ سوزىنە قاراعاندا، قارجى پيراميداسىنىڭ باسشىلارى ينتەرنەت جەلىلەرىندە ۆەب-سايتتار قۇرىپ، ويدان شىعارىلعان ءتۇرلى ينۆەستيتسيالىق پورتفەلدەر ساتقان. الاياقتار پورتفەلدىڭ مەرزىمى اياقتالعاندا %300 دەيىن پايدا تاباسىز دەپ جالعان ۋادەلەر بەرگەن.

«الاياقتاردان مىڭداعان قازاقستاندىقتار زارداپ شەكتى. زارداپ كولەمى ءبىر ميلليارد تەڭگەدەن اسادى. وسىعان بايلانىستى ءى ءى م تەرگەۋ دەپارتامەنتى «Questra Holding ins» ، «Questra World» ،«Atlantic Global Asset Management» ، «five Winds Asset Managent» كومپانيالار توبىنىڭ الاياقتىق قىزمەتىنەن زارداپ شەككەندەردىڭ بارلىعىن ءى ءى م-گە (نۇر- سۇلتان قالاسى، تاۋەلسىزدىك داڭعىلى، 1-مەكەنجايىنا نەمەسە 715102، 714294، 87017940781، 87011135692 نومىرلەرىنە) حابارلاسۋدى سۇرايدى»، - دەدى نۇردىلدا وراز الەۋمەتتىك جەلىدە وتكەن ونلاين بريفينگتە.

سونداي-اق، الاياقتاردان زارداپ شەككەن وزگە ءوڭىر تۇرعىندارى تۇرعىلىقتى جەرى بويىنشا پوليتسيا دەپارتامەنتىنە شاعىمدانا الادى.

ايتا كەتەيىك، ءبىر اپتادا قازاقستاندا جالپى سانى 3424 قىلمىس تىركەلدى. پوليتسەيلەردىڭ جەدەل ارەكەت ەتۋى ناتيجەسىندە 2198 قىلمىس ءىزى سۋىماي اشىلدى. ونىڭ ىشىندە 19 ادام ءولتىرۋ، 38 توناۋ جانە 513 ۇرلىق فاكتىلەرى اشكەرە بولدى.

سوڭعى جاڭالىقتار