دونالد ترامپ ارمەنيا مەن ازەربايجاندى اتىستى توقتاتۋ تۋرالى كەلىسىمگە كەلۋلەرىمەن قۇتتىقتادى
«ارمەنيا پرەمەر-ءمينيسترى نيكول پاشينيان مەن ازەربايجان پرەزيدەنتى يلحام اليەۆتى بۇگىن تۇندە كۇشىنە ەنەتىن اتىستى توقتاتۋ رەجيمىن ساقتاۋعا كەلىسكەندەرى ءۇشىن قۇتتىقتايمىن. كوپتەگەن ادامنىڭ ءومىرى قۇتقارىلدى. كەلىسىم جاساعانى ءۇشىن ءوزىمنىڭ كوماندامدى، اتاپ ايتسام مەملەكەتتىك حاتشى مايكل پامپەونى، ستيۆەن بيگەندى جانە اق ءۇي جانىنداعى ۇلتتىق قاۋىپسىزدىك كەڭەسىن ماقتان ەتەمىن!»، - دەلىنگەن ترامپتىڭ Twitter- دەگى حابارلاماسىندا.
ايتا كەتەيىك، ا ق ش- تىڭ مەملەكەتتىك دەپارتامەنتى ا ق ش، ارمەنيا جانە ازەربايجان بيلىگى اتىستى توقتاتۋ تۋرالى كەلىسىمگە قول جەتكىزگەنى تۋرالى بىرلەسكەن مالىمدەمە تاراتقان بولاتىن.
مالىمدەمەدە ا ق ش، ارمەنيا جانە ازەربايجان وكىلدەرى 10- قازاندا ماسكەۋدە كەلىسىلگەن گۋمانيتارلىق اتىستى توقتاتۋ رەجيمىن ورىنداۋعا جانە ساقتاۋعا دايىن ەكەندىكتەرى راستالعانى ايتىلعان.
اتىستى توقتاتۋ دۇيسەنبى، 26- قازان، جەرگىلىكتى ۋاقىت بويىنشا تاڭعى ساعات 8 دە كۇشىنە ەنەدى.