11:11, 26 - قازان 2020 | GMT +6
قازاقستاندىق كاسىپقوي بوكسشى قارسىلاسىن نوكۋتقا ءتۇسىردى
نۇر-سۇلتان. قازاقپارات - الماتى قالاسىندا كاسىپقوي بوكس كەشى ءوتتى، ونىڭ قاتىسۋشىلارىنىڭ ءبىرى قازاقستاندىق بوكسشى دياس تاستەمىروۆ (4-0، 4 ك و) بولدى، دەپ حابارلايدى قازاقپارات Sports.kz سايتىنا سىلتەمە جاساپ.
تاستەمىروۆتىڭ قارسىلاسى دەبيۋتانت، بەلارۋس ەلىنىڭ بوكسشىسى ارتەم شيەۆەروۆ بولعان.
سۋپەرورتاشا سالماقتاعى جەكپە-جەك دياس تاستەمىروۆتىڭ ءبىرىنشى راۋندتىڭ وزىندە-اق تەحنيكالىق نوكاۋتىمەن اياقتالدى.
نوكاۋتتىڭ الدىندا رەفەري شيەۆەروۆقا نوكداۋن ەسەپتەگەن. وسىلايشا، 29 جاستاعى قازاقستاندىق بوكسشى كاسىبي الاڭدا وتكىزگەن بەسىنشى جەكپە-جەگىن جەڭىسپەن اياقتادى.
اتاپ وتسەك، ونىڭ بەس ايقاسىنىڭ بارلىعى نوكاۋتپەن اياقتالعان. تاستەمىروۆ ءۇشىن بۇل 2020-جىلى وتكەن ءبىرىنشى جەكپە-جەك بولدى. ارتەم شيەۆەروۆ بولسا، ءوزىنىڭ كاسىبي مانسابىن جەڭىلىستەن باستادى.