+7 (701) 759 90 19
-9 °С : نۇر-سۇلتان
-1 °С : الماتى
USD 422.87 EUR 503.38
RUB 5.6 CNY 64.3
جاڭالىقتار

پاتەر ساتىپ الاردا ەسكەرەتىن جايتتار

26 قازان 09:56
:ءبولىسۋ
پاتەر ساتىپ الاردا ەسكەرەتىن جايتتار

نۇر-سۇلتان. قازاقپارات - پاتەر ساتىپ الۋ وڭاي ەمەس. ول ءسىزدىڭ بولاشاق باسپاناڭىز بولعاندىقتان، ءمان بەرەتىن جايتتار بار. وعان دا قارجىلىق ساۋاتتىلىق كەرەك.

نازارلارىڭىزعا پاتەر ساتىپ الۋ كەزىندە قاتەلەسپەۋ ءۇشىن نە نارسەگە ءمان بەرۋ كەرەگىن ۇسىنامىز.

ازىرلەۋشىنى تەكسەرۋ

ءۇي مەن اۋلانىڭ تۇرىنە قىزىعا سالماڭىز. ونى سالعان قۇرىلىس كومپانياسىن تەكسەرىڭىز. ونى ءبىرىڭعاي قۇرىلىسشىلار رەسترىنەن تەكسەرۋگە بولادى. قۇرىلىسقا رۇقسات پەن جوبا دەكلاراتسياسىن تابىڭىز. بارلىعى جوبا سايتىندا بولادى. ولاردىڭ بۇرىنعى جۇمىستارىن كورسەڭىز بولادى.

ريەلتور

ەگەر پاتەردى ءوزىڭىز ىزدەي الماساڭىز، ريەلتور كومەگىنە جۇگىنۋگە بولادى. ءبىراق جارنامادان كورگەن كەز كەلگەن مامانعا سەنۋدىڭ قاجەتى جوق. ءىرى جىلجىمايتىن مۇلىك اگەنتتىگىنە بارعان دۇرىس. الدىمەن كومپانيا تۋرالى پىكىرلەردى وقىپ شىعىڭىز، تانىستارىڭىزدان سۇراڭىز. ريەلتورلار رەستىرىن تەكسەرىڭىز.

قۇجاتتار

پاتەردى ۇناتقان بويدا قۇجاتتارعا قول قويۋعا اسىقپاڭىز. ەگەر ءسىز بارلىق زاڭدى نيۋانستاردى بىلمەيتىن بولساڭىز، مامانعا بارىڭىز. پاتەر مۇمكىن نەسيە تولەنبەگەنى ءۇشىن تارتىپ الىنعان بولۋ مۇمكىن.

ەڭ جاقسى نۇسقا — بانكتىڭ كەز-كەلگەن فيليالىندا نەمەسە ونلاين رەجيمىندە اككرەديتيۆ شىعارۋ. ءسىز ساتۋشىمەن كەلىسىمشارتقا وتىراسىز. بانكتەن اككرەديتيۆ اشىپ، اقشا سالاسىز. ساتۋشى كەلىسىمشارتتىڭ بارلىق تالاپتارىن ورىندايدى. سودان كەيىن تەكسەرۋ ءۇشىن بانك ساتۋشىدان قۇجاتتار الدىرادى. ەگەر ولاردا ءبارى جاقسى بولسا، ساتۋشىعا اقشا اۋدارىلادى.

باعاسى نەگە تومەن ەكەنىن انىقتاڭىز

ەگەر زاڭ جۇزىندە پاتەردە ەشقانداي گاپ بولماسا، باسقا نارسەدەن بولۋ مۇمكىن. ءۇيدىڭ اينالاسىن تەكسەرىڭىز. كورشىلەرمەن سويلەسىڭىز. ولار سىزگە باسپانا ماسەلەسى تۋرالى اشىپ ايتادى.

پاتەردىڭ جاعدايى

جاڭا ماكەتتەر ەرەكشە كورىنەدى، ءبىراق ولار قولايسىز بولۋ مۇمكىن. تىكبۇرىشتى نەمەسە شارشى ءپىشىندى پاتەردى ىزدەڭىز. ولار ءسىزدىڭ قاجەتتىلىكتەرىڭىزگە وڭاي بەيىمدەلەدى. پاتەردى قاراعاندا مىنا كريتەريلەردى ەسكەرۋ كەرەك:

پاتەردىڭ نەشىنشى قاباتتا ەكەنىنە ءمان بەرىڭىز. ء تورت قاباتتان كوپ ۇيلەرگە قونىستانباعانىڭىز ابزال. كوپ ادام بولعان سايىن ماسەلە دە كوبەيەدى.

ءبىرىنشى قاباتتا تۇرساڭىز، جەرتولەدەن ىلعالدىلىق كەلەدى، جاعىمسىز يىستەر مەن داۋىستار مازا بەرمەيدى. ۇرىلاردان قوسىمشا قاۋىپسىزدىك شارالارى قاجەت.

ورنالاسقان جەرىڭىز تازا ما، كورشىلەرىڭىز جاقسى ما. سونى ءبىلۋ كەرەك. اۋلانى، جەرتولەنى جيناۋ ماسەلەسى قالاي ەكەنىن باقىلاڭىز.

ال جوعارعى قاباتتا تۇرساڭىز، شاتىردان سۋ كەتۋ قاۋپى كوپ. توبەسى سوڭعى رەت قاشان جوندەلگەنىن ءبىلۋ كەرەك. قابىرعالاردى قاراڭىز. ەگەر شاتىردان سۋ اقسا، قابىرعا ىلعالدى نەمەسە سۋدىڭ ىزدەرى بولادى.

سۋ قىسىمى جوعارعى قاباتتاردا ءالسىز بولىپ كەلەدى. كوبىنە ىستىق سۋ بارمايدى. سۋدىڭ جاعدايىن تەكسەرىڭىز.

تەرەزەنىڭ قاي باعىتتا ورنالاسقانى

وڭتۇستىك. جىلى جاعى، كۇن تۇسەدى. ەگەر اكۆاريۋم، وسىمدىكتەر كوپ بولسا، وندا ىڭعايلى.

سولتۇستىك. ىمىرت. كۇن كوزى تۇسپەي، قاراڭعىلاۋ بولعانى ۇناسا، وندا وسىنى تاڭداڭىز.

ءۇيدىڭ ىشكى ورنالاسۋى

ول ءسىزدىڭ قالاۋىڭىزعا بايلانىستى ءبىراق ءبىز جوسپارعا سايكەس پاتەردى قالاي تاڭداۋعا بولاتىنىن ۇسىنامىز:

ەگەر بۇل ەكى بولمەلى پاتەر بولسا، وندا بولمەلەر وقشاۋلانۋ كەرەك.

ءبىر بولمەلى پاتەر جارىق بولۋ كەرەك.

جۋىناتىن بولمە بولەك بولعانى ىڭعايلى. ءبىراق بىرگە بولسا، ۇنەمدى بولادى. سىزگە قايسىسى ماڭىزدى ەكەنىن تاڭداڭىز.

پاتەردىڭ ينفراقۇرىلىمىن باعالاڭىز

تەحنيكالىق ينفراقۇرىلىم — بۇل جوندەۋدىڭ ەڭ قىمبات بولىگى. توبەلەردىڭ بيىكتىگىن قاراڭىز، سىمداردىڭ قالاي سالىنعاندىعىن ءبىلىڭىز. سانتەحنيكالىق جانە جىلىتۋ جاعدايلارىن زەرتتەڭىز. جەلدەتۋدى، دىبىستىق وقشاۋلاۋدى دا قاراڭىز.

بۇرىشتارداعى جانە تەرەزەلەردەگى قابىرعالارعا قاراڭىز. ەگەر بولمە سالقىن بولسا، وندا سول جەردە زەڭ پايدا بولادى. ەگەر پاتەر بۇرىن جالعا بەرىلسە، ساتىپ العاننان كەيىن قۇلىپتاردى وزگەرتۋ كەرەك بولادى.

پاتەردە سۋ مەن ەلەكتر ەسەپتەگىشتەردىڭ بولعانى جاقسى. سوڭعى رەت تەكسەرىلگەن كۇندى قاراڭىز.

balbal.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات